| e-texts navigator |
| Wylie |
476b1 ཤིང་ཐབས་ཅི་འདྲ་ཞིག་གིས་སྡུག་བསྔལ་འདི་ལས་གྲོལ་བར་འགྱུར་ཞེས་བགྲོས་སོ། །དེའི་ཚེ་སྐྱེ་བོའི་ཚོགས་འདུས་བའི་ཁྲོད་ན་རྒན་རབས་རྒྱུས་ཡོད་པ་འགའ་ཞིག་གིས། སྐྱེ་བོ་དེ
476b2 དག་ལ་འདི་སྐད་ཅེས་སྨྲས་སོ། །གྲོགས་པོ་དག་ཉོན་ཅིག་།ད་ལྟ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་དམ་པའི་རྒྱལ་མཚན་ཞེས
476b3 བྱ་བ་འཇིག་རྟེན་དུ་བྱུང་ནས་འཚོ་ཞིང་གཞེས་བཞིན་བཞུགས་ཏེ། དེའི་དྲུང་དུ་མཇལ་ཏེ་འདྲི་བར་རིགས་སོ། །སངས་རྒྱས་བཅོམ་ལྡན་འདས་དེ་ཉིད་ཀྱིས། ཁྱེད་ཅག་གི་མགོན་པོ་དང་།
476b4 སྐྱབས་སུ་འགྱུར་ལ་འཇིགས་པ་དང་། སྡུག་བསྔལ་ཐམས་ཅད་བསལ་བར་མཛད་པར་འགྱུར་རོ། །དེ་སྐད་ཅེས་སྨྲས་པ་དང་། སྐྱེ་བོ་དེ་དག་གིས་དེ་བཞིན་གཤེགས་པ་དེ་ཡུལ་ཕྱོགས
476b5 གང་ན་བཞུགས་ཞེས་དྲིས་པས། རྒན་རབས་དག་གིས་ལན་བཏབ་པ། དེ་བཞིན་གཤེགས་པ་དེ་དུས་སྐབས་ད་ལྟ་ན་ལྔ་ལེན་གྱི་ལྗོངས་ན་བཞུགས་ཟེར་རོ། །སླར་དྲིས་པ། བཞིན་བཟང
476b6 དག་། དེ་བཞིན་གཤེགས་པ་དེ་དང་མཇལ་བའི་ཐབས་བསྟན་དུ་གསོལ། སྨྲས་པ། ཁྱེད་ཅག་སླར་ལོག་ལ་དབེན་ཞིང་གཙང་བའི་གནས་ཤིག་བཙལ་ཏེ་ས་ཕྱོགས་དེར་བ་ལྕི་བསྲེས
476b7 པའི་ས་གཙང་གི་དཀྱིལ་འཁོར་གྲུ་བཞི་མཐའ་ལོགས་ཆ་མཉམ་པ་བཞེངས། སྤོས་འདམ་དང་། བ་བྱུང་ལྔས་བྱུག་ལ། མེ་ཏོག་སྣ་ཚོགས་གཅལ་དུ་བཀྲམ་ནས་བདུག་པའི་སྤོས
iiif viewer powered by OpenSeadragon
