| e-texts navigator |
| Wylie |
475b1 ནོ|་|སྐྱེ་བ་འདིར་སྟེས་བཟང་པོས་བཀྲ་ཤིས་པའི་དཔལ་གྱི་འབྱོར་པ་འདི་ལྟ་བུ་རྙེད་ན། སྐྱེ་བ་ཕྱི་མར་ཡང་དོན་ལྡན་དུ་བྱ་བར་བྱེད་པའི་ཕྱིར། ཆོས་གང་གཅིག་ལ་བསླབས་པས་དཀར
475b2 པོའི་ཆོས་ཀྱི་དགེ་བའི་རྩ་བ་ཐམས་ཅད་འདུས་ཤིང་ཚེགས་ཆུང་ངུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་པ་ཏུ་བསྔོ་བར་བྱ་སྟེ། དཀོན་མཆོག་གསུམ་གྱི་གདུང་ཡུན་རིང་དུ
475b3 རྒྱུན་མི་འཆད་པར་གྱུར་པ་དང་། དགེ་བའི་ལས་གང་གི་རྒྱུ་རྐྱེན་ལ་བརྟེན་ནས་བུ་ཚ་རིགས་རྒྱུད་འཕེལ་བར་བྱེད་པའི་ཐབས་ཅིའི་ཕྱིར་བདག་གིས་བཅོམ་ལྡན་འདས་ལ་མི་ཞུ། ད་ནི
475b4 བཅོམ་ལྡན་འདས་ལ་ཞུའོ་སྙམ་དུ་བསམས་སོ། །དེ་ནས་བྲམ་ཟེ་ཆེན་པོ་བི་ཎུ་དཏྟ་དེས་བཅོམ་ལྡན་ཀྱི་སྤྱན་སྔར་དོང་ནས། བཅོམ་ལྡན་འདས་ལ་ཕྱག་འཚལ་ཞིང་ལན་གསུམ་བསྐོར
475b5 བ་བྱས་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྟོན་པ་བཅོམ་ལྡན་འདས། ཆོས་གང་གཅིག་ལ་བསླབས་ན་དཀར་པོའི་ཆོས་ཀྱི་དགེ་བའི་རྩ་བ་ཐམས
475b6 ཅད་འདུས་པར་གྱུར་ཅིང་ཚེགས་ཆུང་ངུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་འགྱུར་བ་དང་། དཀོན་མཆོག་གསུམ་གྱི་གདུང་རྒྱུན་མི་འཆད་པར་འགྱུར་བ་དང་།
475b7 བུ་ཚ་རིགས་རྒྱུད་འཕེལ་བར་འགྱུར་བའི་ཐབས་ཤིག་བཅོམ་ལྡན་འདས་ཀྱིས་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྲམ་ཟེ་བི་ཎུ་དཏྟ་ལ་འདི
iiif viewer powered by OpenSeadragon
