| e-texts navigator |
| Wylie |
475a1 སུ་བསྐོར་ཞིང་བཅོམ་ལྡན་འདས་ཀྱི་དྲུང་དུ་ལྷགས་ཏེ། ཕྱག་འཚལ་བ་དང་། མཆོད་པ་དང་། བཀུར་སྟི་དང་། རིམ་གྲོ་བྱེད་ཅིང་ཆོས་མཉན་ཏོ། །དེའི་ཚེ
475a2 དེའི་དུས་ན་པ་ཐ་རིའི་གྲོང་ཁྱེར་ན་གནས་པའི་བྲམ་ཟེ་ཆེན་པོ་པི་ཎུ་དཏྟ་ཞེས་བྱ་བ་ཕྱུག་པ་དབྱིག་ནོར་སྣ་ཚོགས་ཕུན་སུམ་ཚོགས་པ་དང་ལྡན་པ། ལོངས་སྤྱོད་རྣམ་ཐོས་ཀྱི་བུ
475a3 དང་འགྲན་བཟོད་པ། མང་དུ་ཐོས་པ། ཤེས་རབ་ཆེ་བ། དབང་པོ་རྣོ་བ། རྣམ་དཔྱོད་ཡངས་པ། དགེ་བའི་ཆོས་ལ་དགའ་བ། དད་པ་བརྟན་པ། དཀོན་མཆོག་གསུམ་ལ་སྐྱབས
475a4 སུ་སོང་བའི་དགེ་བསྙེན་ཐམས་ཅད་ཀྱི་ཁྱུ་མཆོག་ཏུ་གྱུར་པ་ལ་བུ་མེད་པ་ཞིག་ཡོད་དོ། །ལན་ཅིག་བྲམ་ཟེ་ཆེན་པོ་དེས་འདི་སྙམ་དུ་སེམས་པར་གྱུར་ཏེ། བདག་ལོངས་སྤྱོད
475a5 འདི་ཙམ་ཆེ་ཞིང་རིགས་འདི་ལྟར་བཙུན་པ་ལ་བུ་མེད་པ་ཅི་ལྟར་རུང་། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་འདི་རྒྱུན་ཆད་ན་ཅི་ལྟར་རུང་། བདག་གསོན་ཀྱང་དོན་རེ་ཆུང
475a6 ངོ་སྙམ་དུ་བསམ་ཞིང་ཉིན་མཚན་མང་པོར་སྡུག་བསྔལ་བར་གྱུར་ཏོ། །ཡང་ལན་ཅིག་འདི་ལྟར་སེམས་པར་གྱུར་ཏེ། ལྷ་དང་། མིའི་སྟོན་པ་སངས་རྒྱས་བཅོམ་ལྡན་འདས
475a7 ནི་བདག་གི་པ་ཡིན་ནོ། །བདག་ནི་སངས་རྒྱས་ཀྱི་བུ་ཡིན་ནོ། །ཡང་དག་པ་དམ་པའི་ཆོས་ནི་བདག་གི་མ་ཡིན་ནོ། །འཕགས་པའི་དགེ་འདུན་གྱི་ཚོགས་ནི་བདག་གི་ཕུ་ནུ་ཡིན
iiif viewer powered by OpenSeadragon
