| e-texts navigator |
| Wylie |
436a1 སྐད་ཅེས་བཀའ་སྩལ་ཏོ། །རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་དེ་བཞིན་གཤེགས་པའི་མཚན་དང་། གསུངས་འདི་འཛིན་པ་དང་། འཆང
436a2 བ་དང་|་ཀློག་པ་དང་། མཆོད་པ་དེས་གཙང་མར་བྱས་ཏེ་ཕྱོགས་གཙང་མར་འཕགས་པའི་ཡན་ལག་བརྒྱད་དང་ལྡན་པར་བྱས་ལ། སེམས་ཅན་ཐམས་ཅད་ལ་མཆོག་ཏུ་སྙིང་རྗེ་བས
436a3 ས་ག་ལ་བབ་པའི་ཉ་ནས་བརྩམས་ཏེ། དེ་བཞིན་གཤེགས་པ་དེ་དག་གི་སྐུ་གཟུགས་བྱས་ལ་ཚེས་བརྒྱད་དང་། བཅུ་བཞི་དང་། བཅོ་ལྔ་ལ་སྨྱུང་བར་གནས་པས་གཟུངས་འདི་དག་བཞི
436a4 བཅུ་རྩ་དགུ་འམ། སྟོང་རྩ་བརྒྱད་དམ། སྟོང་ཕྲག་བཞི་བཅུ་རྩ་དགུར་འདོན་ཅིང་། མེ་ཏོག་དང་། བདུག་པ་དང་། སྤོས་དང་། མར་མེ་དང་། ཕྲེང་བ་དང་། རོལ་མོའི་སྒྲ་དང་། གདུགས
436a5 དང་། རྒྱལ་མཚན་དང་། བ་དན་རྣམས་ཀྱིས་ཉིན་ལན་གསུམ་མཚན་ལན་གསུམ་དུ་མཆོད་པ་བྱེད་ན། དེ་ལ་དེ་བཞིན་གཤེགས་པ་རྣམས་ཀྱིས་དགོངས་པར་འགྱུར། བྱང
436a6 ཆུབ་སེམས་དཔའ་ཐམས་ཅད་ཀྱིས་སེམས་པར་འགྱུར། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ཀླུའི་དགེ་བསྙེན་ཆེན་པོ་དག་གིས་ཀྱང་ཡོངས་སུ་སྐྱོང་བར་འགྱུར།
436a7 གནོད་སྦྱིན་གྱི་སྡེ་དཔོན་རྡོ་རྗེ་འཛིན་ཐམས་ཅད་ཀྱིས་ཡང་དག་པར་བསྲུང་པར་འགྱུར། མཚམས་མེད་པ་ལྔ་ལ་སོགས་པའི་ལས་ཀྱི་སྒྲིབ་པ་ཐམས་ཅད་ཡོངས་སུ་བྱང་བར་འགྱུར།
iiif viewer powered by OpenSeadragon
