| e-texts navigator |
| Wylie |
282b1 དག་དང་བཅས་པར་རིག་པ་འཛིན་པར་འགྱུར་རོ། །བུད་མེད་ལེགས་པར་ཁྲུས་བྱས་ཤིང་རྒྱན་གྱིས་བརྒྱན་པ་ལ་ཇི་སྲིད་སྐྱེས་པར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ
282b2 བྲིས་པའམ། ཤིང་ངམ། ས་ལས་བྱས་པའི་སེངྒེ་ལ་ཇི་སྲིད་འགྲོ་བར་གྱུར་པ་དེ་སྲིད་བཟླས་པས་དེ་ལ་ཞོན་ཞིང་གང་དུ་འདོད་པ་དེར་འགྲོ་བར་འགྱུར་རོ། །གལ་ཏེ་ཉིན་རེ་རྟག་ཏུ
282b3 བཟླས་ན་གང་དུ་འགྲོ་བའི་ས་ཕྱོགས་དེ་བསྲུང་བ་བྱས་པར་འགྱུར་རོ། །གལ་ཏེ་ཉིན་མཚན་དུ་བསྒྲུབ་པ་བྱེད་ན་ནི་ཇི་སྲིད་ཞག་ལྔའམ། དྲུག་གམ། བརྒྱད་དམ། ལྷག་མའི་ཟླ་བ་ཕྱེད
282b4 ཀྱི་ནང་དུ་ཡར་འཕགས་པར་འགྱུར་ཞིང་ལྷ་རྣམས་ལས་ཀྱང་རྒྱལ་བར་འགྱུར་རོ། །དེ་ལ་ཞོན་ན་གང་དུ་འདོད་པ་དེར་འགྲོ་བ་དང་། འོང་བར་འགྱུར་རོ། །དེ་བཞིན་དུ་རྟའམ། གླང
282b5 པོ་ཆེའམ། ཁྱུ་མཆོག་གམ། མ་ཧེའམ། ར་སྐྱེས་སམ། ལུག་གམ། རི་དགས་ལ་བཟླས་ན་དེ་དག་ཐམས་ཅད་ཉིད་གང་དུ་ཇི་སྲིད་འདོད་པ་དེ་སྲིད་ཏུ་འགྲོ་བ་དང་། འོང་བར
282b6 འགྱུར་རོ། །མེ་ཏོག་གིས་རབ་ཏུ་གཏོར་བའི་དཀྱིལ་འཁོར་ལ་དུར་ཁྲོད་ཀྱི་ཤིང་ལ་མེ་སྦར་ལ་མར་དང་། ཡུངས་ཀར་གྱིས་སྦྱིན་སྲེག་བྱས་ན་ཟླ་བ་ཕྱེད་ཀྱི་ནང་དུ་ངེས་པར་མཁའ
282b7 ལ་འཕུར་བར་འགྱུར་རོ། །དུར་ཁྲོད་དུ་ཇི་ལྟ་བ་བཞིན་དུ་རི་ལ་སོགས་པ་ལ་ཡང་གཅིག་ཏུ་དབེན་པར་འདུག་སྟེ་བསྒྲུབ་པའམ། ངང་པ་ལ་སོགས་པ་བྱ་ལ་བསྒྲུབ་པའམ། ཆོ་ག
iiif viewer powered by OpenSeadragon
