| e-texts navigator |
| Wylie |
281b1 གོ|་ཤིང་གཅིག་གི་དྲུང་དུ་རྗེས་སུ་དྲན་པས་མཆོད་རྟེན་བྱས་ཤིང་འབུམ་བཟླས་ལ་མདུན་དུ་ཨ་ཤྭདྠ་ལས་བྱས་པའི་རྩེ་གསུམ་པ་བྱས་ལ་ཉིན་མཚན་སྨྱུང་བར་འདུག་སྟེ། ཉ་ལ་བྲིས
281b2 བསྐུས་ཤིང་ཅི་འབྱོར་བའི་མཆོད་པ་བྱས་ནས། ཇི་སྲིད་དུ་འབར་བར་གྱུར་གྱི་བར་དུ་མཚན་རངས་པ་བསྒྲུབ་པ་བྱས་ན། གདུལ་དཀའ་བ་འདུལ་བར་བྱེད་པའི་བྱང་ཆུབ་སེམས
281b3 དཔའི་སྤྱད་པ་སྤྱོད་པ་དེ་གླིང་བཞི་བའི་ཕུན་སུམ་ཚོགས་པའི་བདག་པོར་འགྱུར་རོ། །སྐུ་གདུང་དང་བཅས་པའི་མཆོད་རྟེན་ལ་བཟླས་པ་འབུམ་བྱས་ལ་ཉ་ལ་འཁོར་ལོའི་ཕྱག་མཚན
281b4 ནམ|་རྡོ་རྗེའི་ཕྱག་མཚན་ནམ། རྒྱལ་མཚན་བླངས་ནས་ཇི་སྲིད་འཕུར་བ་དེ་སྲིད་བཟླས་ན་དེས་ཀུན་ཏུ་འགྲོ་བའི་རིག་པ་འཛིན་པར་འགྱུར་རོ། །ཆུ་བོར་ཞུགས་ཏེ་བཟླས་པ་འབུམ
281b5 བྱས་ནས་ས་ལ་བྱས་པའི་མཆོད་རྟེན་གྱི་རྩར་ཉ་ལ་སོགས་པའི་ཉིན་ཞག་ལ་ཇི་སྐད་བཤད་པའི་གནས་སུ་ཆོ་ག་སྔ་མ་བཞིན་ལག་པས་ནོར་བུ་བླངས་ཏེ། ཇི་སྲིད་འབར་བར་གྱུར་པ
281b6 དེ་སྲིད་བཟླས་ན་ཡིད་བཞིན་གྱི་ནོར་བུ་འཆང་བའི་རིག་པ་འཛིན་པར་འགྱུར་རོ། །ཡང་དེ་ཉིད་ལག་པས་བླངས་ཏེ་བཟླས་པས་ཡིད་བཞིན་གྱི་ནོར་བུར་འགྱུར་རོ། །ཟངས་མའི་བུམ
281b7 པ་ལ་ཆོག་འདི་ཉིད་ཀྱིས་བསྒྲུབ་པ་བྱས་ན་བུམ་པ་གང་བར་འགྱུར་རོ། །སློང་མོས་འཚོ་ཞིང་ལྕགས་ཀྱི་རྡོ་རྗེ་ལག་པར་བླངས་ཏེ། ཇི་སྲིད་འདས་པ་དང་། མ་འོངས་པ་དང་། ད་ལྟར
iiif viewer powered by OpenSeadragon
