| e-texts navigator |
| Wylie |
281a1 སེམས་དཔའི་ལུས་རབ་ཏུ་ཐོབ་པར་འགྱུར་རོ། །ཡིད་བཞིན་གྱི་ནོར་བུའམ། རྡོ་རྗེའམ། རལ་གྲིའམ། འཁོར་ལོའམ། རིན་པོ་ཆེ་ལ་སོགས་པ་དེ
281a2 རྣམས་ཀྱི་རིག་པ་འཛིན་པར་འགྱུར་ཞིང་སངས་རྒྱས་ཀྱི་ཞིང་མང་པོར་འགྲོ་བ་དང་། འོང་ནུས་པར་འགྱུར་རོ། །ཀླུའི་རིགས་ཐམས་ཅད་བློ་མཐུན་པར་འགྱུར་རོ། །ཆར་ཆེན
281a3 པོ་རྣམ་པ་སྣ་ཚོགས་པ་མངོན་པར་འབབ་པར་འགྱུར་རོ། །ཀླུའི་མཚེའུ་གང་དུ་འབུམ་བཟླས་ན་ཀླུའི་གནས་དེར་རབ་ཏུ་འཇུག་པར་འགྱུར་ཞིང་དེར་གང་འདོད་པ་དེ་རྙེད་པར་འགྱུར
281a4 རོ|་|གང་གཱར་ཞུགས་ཤིང་འབུམ་བཟླས་ལ་འབུམ་ཡོངས་སུ་རྫོགས་ནས་དེ་ཉིད་དུ་མཆོད་རྟེན་བརྩིགས་ལ་སྦྲང་རྩི་དང་། འོ་མ་དང་། ཡུངས་ཀར་དང་བཅས་པས་སྦྱིན་སྲེག
281a5 བྱས་ན་ཀླུ་ཐམས་ཅད་སྐྲག་པས་ལྷགས་པར་འགྱུར་ཞིང་གང་སྨྲས་པ་དེ་བྱེད་པར་འགྱུར་རོ། །དུར་ཁྲོད་དུ་ཡུངས་ཀར་གྱིས་སྦྱིན་སྲེག་བྱས་ན་གནོད་སྦྱིན་གོང་མ་བཞིན་བྱེད
281a6 པར་འགྱུར་རོ། །རིའི་ལྷ་ལ་འབྲུ་མར་དང་། ཙནྡན་གྱི་སྦྱིན་སྲེག་གིས་སམ། ནགས་ཀྱི་གནས་སུ་རིག་པ་འཛིན་པ་ལ་སྦྲང་རྩི་དང་། པི་པི་ལིང་གི་སྦྱིན་སྲེག་བྱས་ན་ཐམས
281a7 ཅད་འདུས་པར་འགྱུར་ཞིང་། དུས་ཐམས་ཅད་དུ་རྗེས་སུ་དྲན་པ་ཙམ་གྱིས་རང་གི་བཀའ་ལུང་སྒྲུབ་པར་བྱེད་དོ། །ཤིང་གི་གྲིབ་མས་ཤིང་གཞན་ལ་མ་ཕོག་པ་ནི་ཤིང་གཅིག
iiif viewer powered by OpenSeadragon
