| e-texts navigator |
| Wylie |
280b1 གོས་སེར་པོ་གྱོན་པ། ལག་པ་གཡོན་གྱི་ལྕགས་ཀྱུ་ཡོངས་སུ་འཛིན་པ་བྲི་བར་བྱའོ། །དེའི་འོག་ཏུ་མིང་ངམ། མཐའ་མེད་ཅེས་བྱ་བའི་འཁོར་འབར་བའི་སྙིང་པོ་ཅན་ཁྲོས་ཤིང
280b2 འཁྲུགས་པར་འགྱུར་བ། ནོར་བུའི་ཟུར་ཕུད་ཀྱིས་བརྒྱན་པ། ཨ་ཤོ་ཀ་དམར་པོའི་མདོག་ཅན། ལག་པ་ན་གྲི་གུག་དང་། ཞགས་པ་ཐོགས་པ་བྲི་བར་བྱའོ། །རྡོ་རྗེ་འཛིན
280b3 པའི་འོག་ཏུ་གཞོན་ནུ་མ་གཡོན་ན་ཟུར་ཕུད་གཅིག་པ། ནག་པོ་སྔོ་བསངས་རོལ་པར་གྱུར་པས་འཁོར་ལ་དགའ་བ་དང་བཅས་པས་བལྟ་བ། གོས་སྔོན་པོ་གྱོན་པ། ལག་ན་མེ
280b4 ཏོག་གི་ཕྲེང་བ་ཐོགས་པ། མཐའ་མེད་མ་ཞེས་བྱ་བ་བྲན་མོ་བྲི་བར་བྱའོ། །འདིར་ཡང་བྲིས་སྐུ་ལ་གཞན་དུ་ཡང་ལས་དེ་དག་ཉིད་དང་། སྒྲུབ་པ་དེ་དག་ཉིད་བྱ་བའམ། རྟོགས་པ
280b5 ཐམས་ཅད་ཀྱི་ཆོ་གའི་སྦྱོར་བའམ། ཡིད་ལ་འདོད་པའི་ཆོ་ག་སྦྱར་བར་བྱའོ། །དུར་ཁྲོད་དུ་འབུམ་བཟླས་ན་རྡོ་རྗེ་འཛིན་འོངས་ནས་ལག་པ་ནས་བཟུང་སྟེ་ལྕང་ལོ་ཅན་དུ་འདྲེན
280b6 པར་བྱེད་དོ། །དེས་རྡོ་རྗེ་རིགས་ཀྱི་གཞོན་ནུར་གྱུར་པ་ཐོབ་པར་འགྱུར་རོ། །རིག་པ་འཛིན་པའི་ས་དངོས་པོ་རལ་གྲི་ལ་སོགས་པ་ལ་བསྙེན་པ་བྱས་པ་དེས་རིག་པ་འཛིན་པར་འགྱུར
280b7 རོ|་|རྒྱ་མཚོར་ཞུགས་ནས་འབུམ་བཟླས་ན་ཀླུའི་རྒྱལ་པོ་རྒྱ་མཚོའི་གནས་སུ་ཕྱིན་པར་འགྱུར་ཞིང་ཀླུའི་རྒྱལ་པོ་རྒྱ་མཚོ་མཐོང་བར་འགྱུར་རོ། །ཕྱིར་མི་ལྡོག་པའི་བྱང་ཆུ
iiif viewer powered by OpenSeadragon
