| e-texts navigator |
| Wylie |
276b1 དང་བཅས་པ་ཐམས་ཅད་ལ་ཡོན་ཏན་དུ་བསྔགས་པ་དང་། གྲགས་པ་སྣ་ཚོགས་ཀྱི་གླུའི་སྤྲིན་རྒྱ་མཚོ་རབ་འབྱམས་ཚིག་ཏུ་བརྗོད་པ་འམ་བསམས་ལ། འདི་ལྟ་བུའི་བསྟོད་པ་དཔེ
276b2 མེད་པ་ངེས་པར་སྒྲུབ་པར་བྱེད་པའི་རིག་པའི་རྒྱལ་མོ་འདི་ལན་བརྒྱད་བརྗོད་པར་བྱའོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་ས་ཀུ་སུ་མི་ཏ་ཨ་བྷི་ཛྙཱ་རཱ་ཤི་ནི་ན་མོ་སྟུ་ཏེ་སྭཱཧཱ།
276b3 དེ་ནས་དེ་བཞིན་དུ་སངས་རྒྱས་དང་། བྱང་ཆུབ་སེམས་དཔའ་རྣམས་ལ་ཡོན་ཏན་བསྔགས་པ་བརྗོད་པའི་སྤྲིན་གྱི་རྒྱ་མཚོ་རབ་ཏུ་འབྱུང་བར་འགྱུར་བ་དེ་ལྟ་བུར་ཡང་དད་པར
276b4 བྱའོ|་|དེའི་འོག་ཏུ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་ལུས་ཀྱི་སྤྲུལ་པའི་སྤྲིན་སེམས་ཅན་ཐམས་ཅད་ལ་དམིགས་པ་ལས་བྱུང་བའི་སེམས་ཅན་གྱི
276b5 ཁམས་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་འགྱུར་བ་དང་། བདེ་བ་ཐམས་ཅད་མྱུར་དུ་སྩོལ་ཅིག་པ་འམ། ཡང་ན་སེམས་ཅན་ཐམས་ཅད་ཀྱི་ཟག་པ་མེད་པའི
276b6 དགེ་བ་འབྱུང་བའི་སྦྱོར་བ་ཡང་དག་པར་འབྱུང་བ་དང་། དེ་བཞིན་གཤེགས་པ་རྣམས་ཀྱི་གྲུབ་པའི་མཆོག་དེ་དག་གིས་ཐོབ་པར་གྱུར་ཅིག་ཅེས་དེ་ལྟ་བུ་ལ་སོགས་པ
276b7 སེམས་ཅན་ཐམས་ཅད་ལ་ཕན་པའི་བསམ་པ་ཡིད་ལ་བྱེད་པ་འམ། ངག་ཏུ་བརྗོད་དེ། སངས་རྒྱས་ཐམས་ཅད་ཀྱི་སྤྲུལ་པའི་སྤྲིན་མངོན་པར་སྒྲུབ་པའི་རྒྱུ་དང་། སེམས
iiif viewer powered by OpenSeadragon
