| e-texts navigator |
| Wylie |
9b1 ཡིན། །གང་གི་བརྗོད་པས་སྨྲ་བར་བཤད། །ཀུན་ཉིད་སྣ་ཚོགས་རྡོ་རྗེ་ཡིན། །གཞིག་དཀའི་སྦྱོར་བ་གོ་ཆ་ཡིན། །འཇིགས་པའི་སྤྱོད་པས་མཆེ་བ་སྟེ། །ཕྱག་རྒྱའི་སྦྱོར་ཉིད
9b2 བཅིང་བ་ཡིན། །དཀྱིལ་འཁོར་དུ་ནི་གང་བཤད་པ། །ཡིད་ཀྱི་དཀྱིལ་འཁོར་དམ་པ་ཡིན། །གཞལ་ཡས་ཁང་ནི་ཡེ་ཤེས་ཏེ། །སེམས་ཀྱི་བརྩེགས་པ་སྒྲེང་བ་ཡིན། །ཕྱི་ཡི་གྲུ་བཞི
9b3 པ་གང་ཡིན། །ཚད་ཀྱིས་མཉམ་པ་ཉིད་གྱུར་པ། །བྱམས་པ་ལ་སོགས་སེམས་གང་ཡིན། །ཐིག་བཞི་ཞེས་ནི་བཤད་པ་ཡིན། །ཆོས་ཀྱི་སྦྱོར་བ་རྗེས་དྲན་ཉིད། །གང་དེ་རྡོ་རྗེ་ཐིག
9b4 དུ་བཤད། །ལྟ་བ་ཀུན་ལས་རྣམ་གྲོལ་བ། །ཡེ་ཤེས་ཐིག་ཏུ་བཤད་པ་ཡིན། །ཚུལ་ཁྲིམས་ཚོགས་ཀྱི་དམ་པ་ནི། གང་ཞིག་རྒྱན་དུ་བཤད་པ་ཡིན། །དད་དབང་ལ་སོགས
9b5 སེམས་གང་ཡིན། །ར་བ་ལྔར་ནི་ཡང་དག་བྱུང་། །རྣམ་པར་ཐར་པ་བཞི་པོ་ནི། །སྒོ་རྣམས་སུ་ནི་ཡང་དག་བཤད། །ཡང་དག་སྤོང་བ་བཞི་པོ་ནི། །རྟ་བབས་རྣམས་དང་ཀ་བར
9b6 བྱུང་། །དྲན་པ་ཉེར་གཞག་བཞི་པོ་ནི། །ཁྱམས་རྣམས་བཞི་པོར་ཤེས་པར་བྱ། །རྫུ་འཕྲུལ་རྐང་པ་བཞི་པོ་ནི། །དེ་ནི་སྒོ་ཁྱུད་རྣམ་བཞི་ཡིན། །བྱང་ཆུབ་ཡན་ལག་བདུན་པོ
9b7 ནི། །ཕྲེང་བ་མེ་ཏོག་ཆུན་བརྒྱན་པ། །འཕགས་ལམ་ཡན་ལག་བརྒྱད་པོ་ནི། །ཀ་པ་བརྒྱད་ཅེས་བྱ་བར་བཤད། །སྒྲིབ་པ་གཉིས་ལས་རྣམ་གྲོལ་ཞིང་། །ཏིང་འཛིན་ཡེ་ཤེས
iiif viewer powered by OpenSeadragon
