| e-texts navigator |
| Wylie |
9a1 @#། །གཏན་ཕ་རོལ་ཕྱིན། །འདོད་པའི་འདམ་གྱིས་མ་གོས་པའོ། །མར་མེ་སྨོན་ལམ་ཕ་རོལ་ཕྱིན། །ཕྱོགས་ཀུན་སྣང་བར་བྱེད་པ་ཡིན། །དྲི་ནི་ཐབས་ཀྱི་ཕ
9a2 རོལ་ཕྱིན། །དྲི་ངན་ཐུར་སེལ་དགེ་བ་ཡིན། །སངས་རྒྱས་ཀུན་གྱི་ཐབས་ཆེན་པོ། །དབྱེ་བ་རྣམ་པ་བཞི་ཡིས་གནས། །ཐམས་ཅད་འདོད་པའི་ཐབས་ཆེན་པོ། །རྡོ་རྗེ་ལྕགས་ཀྱུ་ཞེས
9a3 བཤད་དོ། །བྱང་ཆུབ་སྤྱད་པ་སྤྱོད་བྱེད་པ། །རྡོ་རྗེ་ཞགས་པ་ཞེས་བཤད་དོ། །ཐེག་པ་འདི་ལ་བརྟེན་འགྱུར་གང་། །རྡོ་རྗེ་ལྕགས་སྒྲོག་ཅེས་བཤད་དོ་།ཆོས་རྣམས་ཐམས
9a4 ཅད་མ་སྐྱེས་ཤིང་། །གདོད་ནས་ཞི་བ་མཁའ་དང་མཉམ། །དེ་ལྟའི་ཚིག་ནི་རབ་འཇུག་པས། །རྡོ་རྗེ་དྲིལ་བུ་ཞེས་བཤད་དོ། །ཚོགས་གཉིས་ཀྱི་ནི་སྦྱོར་བ་ཡིས། །སེམས་ཅན
9a5 ཀུན་གྱི་དོན་སྟོན་པའི། །སེམས་ནི་རང་བཞིན་གྱིས་འོད་གསལ། །ཟླ་བའི་དཀྱིལ་འཁོར་ཡིན་པར་བཤད། །ཡང་དག་རྡོ་རྗེ་རྟོགས་པ་སྟེ། །འཛིན་པའི་སྦྱོར་ཉིད་ལྕགས་ཀྱུ
9a6 ཡིན། །ཕྲ་རབ་འབིགས་པ་མདའ་ཞེས་བྱ། །དགྱེས་པས་ལེགས་སོ་ཞེས་བྱ་བ། །སྤྲས་པས་རིན་པོ་ཆེ་རུ་བཤད། །གཟི་བརྗིད་ཅེས་བྱ་ཉི་མ་ཡིན། །སྒྲེང་བས་ཏོག་ཏུ
9a7 བཤད་པ་སྟེ། །རྣམ་པར་འབྱེད་པས་བཞད་པར་བཤད། །འདོད་ཆགས་དག་པ་པདྨ་ཡིན། །ཉོན་མོངས་དགྲ་བཅོམ་རལ་གྲི་སྟེ། །དཀྱིལ་འཁོར་སྦྱོར་བས་འཁོར་ལོ
iiif viewer powered by OpenSeadragon
