| e-texts navigator |
| Wylie |
8b1 རྡོ་རྗེ་བསྡམས་ལས་ཡང་དག་བྱུང་། །རྡོ་རྗེ་ཁུ་ཚུར་གཉིས་གྱུར་པ། །ལས་ཀྱི་ཕྱག་རྒྱ་ཞེས་བཤད་དོ། །ང་རྒྱལ་མེད་ཅིང་སྣང་བ་མེད། །མཚན་མ་མེད་ཅིང་ཞེན་པ་མེད། །བདག་མེད
8b2 མཉམ་ཉིད་ཡེ་ཤེས་ནི། །རྡོ་རྗེ་སེམས་དཔའ་ཞེས་བྱར་བཤད། །གསང་བའི་མཉམ་པར་འབྱོར་བ་འདིར། །ཡེ་ཤེས་ཕ་རོལ་ཕྱིན་དགེ་བ། །རྣམ་པ་བཅུ་གཉིས་ཡང་དག་བྱུང་། །རྡོ་རྗེ
8b3 ཕ་རོལ་ཕྱིན་པའི་འོད། །བྱང་ཆུབ་སེམས་ནི་རབ་བསྒོམས་པས། །ཕ་རོལ་སངས་རྒྱས་ཉིད་སོན་པའི། །ཕ་རོལ་ཕྱིན་ཐོབ་ཡེ་ཤེས་ནི། །རྡོ་རྗེ་སེམས་མར་བཤད་པ་ཡིན། །བསྡུ་བའི
8b4 དངོས་པོ་བཞི་རྣམས་ནི། །ཤེས་རབ་ཕ་རོལ་ཕྱིན་རྡོ་རྗེ། །ཆོས་བཞི་གཅིག་ཏུ་གྱུར་པ་ནི། །རྡོ་རྗེ་རིན་ཆེན་མར་བཤད་དོ། །གསང་བའི་ཡེ་ཤེས་ཡེ་ཤེས་ཆེ། །དེ་ཉིད་ཕ་རོལ་ཕྱིན
8b5 དགེ་བ། །ཕ་རོལ་ཕྱིན་པ་ཆེ་ལས་བྱུང་། །རྡོ་རྗེ་ཆོས་མར་ཤེས་པར་བྱ། །ཕ་རོལ་ཕྱིན་པའི་དགེ་བ་ནི། །སྦྱོར་བའི་ཐབས་སུ་རབ་བསྟན་པ། །རྡོ་རྗེ་ལས་མར་ཤེས་པར་བྱ། །གང་ཕྱིར་དེ་ནི
8b6 རོལ་པ་དགེ། །སྒེག་མོ་སྦྱིན་པའི་ཕ་རོལ་ཕྱིན། །ཚུལ་ཁྲིམས་ཕ་རོལ་ཕྱིན་དགེ་བས། །བརྒྱན་པའི་ཡན་ལག་ཡིད་འོང་ཡིན། །གླུ་མ་བཟོད་པའི་ཕ་རོལ་ཕྱིན། །ཆེད་དུ་བརྗོད་པའི
8b7 ཆོས་བརྗོད་པའོ། །གར་མ་བརྩོན་འགྲུས་ཕ་རོལ་ཕྱིན། །མྱུར་དུ་སངས་རྒྱས་ཉིད་སྟེར་བའོ། །བདུག་པ་ཤེས་རབ་ཕ་རོལ་ཕྱིན། །ཀུན་ཏུ་ཁྱབ་པར་སྤྲོས་ཕྱིར་རོ། །མེ་ཏོག་བསམ
iiif viewer powered by OpenSeadragon
