| e-texts navigator |
| Wylie |
8a1 @#། །པར་དེ་བཤད་དོ། །སངས་རྒྱས་ཀུན་གྱི་རྣལ་འབྱོར་ཆེ། །སངས་རྒྱས་ཆོས་ནི་རྟོགས་མཛད་པ། །དེ་བཞིན་གཤེགས་པའི་ཆོས་དག་པ། །རྡོ་རྗེ་ཆོས
8a2 སུ་དེ་བཤད་དོ། །ཤེས་རབ་རྣོན་པོ་ཐེག་པ་ཆེ། །ཉོན་མོངས་ཐམས་ཅད་ངེས་གཅོད་མཛད། །ཤེས་བྱའི་སྒྲིབ་པ་གཅོད་པ་པོ། །རྡོ་རྗེ་རྣོན་པོར་དེ་བཤད་དོ། །སངས་རྒྱས་རོལ
8a3 མོའི་འཁོར་ལོ་ནི། །ཆོས་ཀྱི་འཁོར་ལོ་རབ་བསྐོར་བས། །སེམས་དཔའ་ཆེན་པོ་ཐེག་པ་ཆེ། །རྡོ་རྗེ་རྒྱུ་ཞེས་དེ་བཤད་དོ། །ཤེས་རབ་ཡེ་ཤེས་རང་བཞིན་དག་།གསུང་གི
8a4 སྒྲ་ནི་རྣམ་པར་སྤང་། །འཇམ་པའི་གསུང་གི་བདག་ཉིད་གྱུར། །རྡོ་རྗེ་སྨྲ་བར་དེ་བཤད་དོ། །ཕ་རོལ་ཕྱིན་པ་ཀུན་གྱི་ཞབས། །ཆོས་རྣམས་ཐམས་ཅད་རྟོགས་མཛད་པ། །སེམས
8a5 ཅན་ཀུན་དོན་སྤྲུལ་པ་པོ། །རྡོ་རྗེ་ལས་ཞེས་བྱ་བར་བཤད། །སངས་རྒྱས་རྗེས་དྲན་ཡང་དག་གྲུབ། །ཐེག་པ་དམན་པ་རྣམ་སྤངས་ཤིང་། །བྱང་ཆུབ་སེམས་ལ་རབ་ཞུགས
8a6 པ། །རྡོ་རྗེ་བསྲུང་བར་དེ་བཤད་དོ། །སྡིག་པ་ཐམས་ཅད་ཟད་བྱེད་ཅིང་། །དེ་བཞིན་ཉོན་མོངས་རྣམས་སྲེག་ལ། །ཉོན་མོངས་ཟད་པ་ཉེར་ལེན་པས། །རྡོ་རྗེ་གནོད་སྦྱིན་དེ
8a7 བཤད་དོ། །སྐུ་གསུང་ཐུགས་ཀྱི་རྡོ་རྗེ་རྣམས། །བཅིང་བ་རུ་ནི་ཡང་དག་གྱུར། །དེ་ཉིད་དེ་ཉིད་ཡེ་ཤེས་ཏེ། །རྡོ་རྗེ་ཁུ་ཚུར་ཞེས་བཤད་དོ། །དམ་ཚིག་ཕྱག་རྒྱ་ཐམས་ཅད་ནི། །
iiif viewer powered by OpenSeadragon
