| e-texts navigator |
| Wylie |
89a1 @#། །འགྱུར་ཏེ། དེ་དག་ལ་ཡང་སྙིང་པོ་འདི་སྦྱིན་ནོ། །ོཾ་བྷཱུ་སརྦ་ཏ་ཐཱ་ག་ཏ་བཛྲ་སཏྭ་ཧོཿ། ས་མ་ཡ་སྟྭཾ། འདི་ཡང་བརྒྱ་སྟོང་དུ་བཟླས་ནས་དེ་ཉིད་དམ།
89a2 གཞན་ཡང་བསྒྲུབ་པར་བྱའོ། །དེ་ནས་བཅོམ་ལྡན་འདས་ཀྱི་ཞབས་ལ་ཕྱག་ན་རྡོ་རྗེས་ཕྱག་བཙལ་ཏེ། ཚིགས་སུ་བཅད་པ་འདི་གསུངས་སོ། །སེམས་ཅན་ཀུན་ལ་ཕན
89a3 པའི་ཕྱིར། །རྟོག་པའི་དམ་པ་རབ་བཤད་པ། །འཇིག་རྟེན་གསུམ་རྒྱལ་ཞེས་བྱ་བ། །གྲུབ་པ་ཐམས་ཅད་རབ་སྩོལ་མཆོག་།གང་གིས་བརྗོད་པ་ཙམ་གྱི་ནི། །སྡིག་པ་ཀུན
89a4 ལས་རྣམ་པར་གྲོལ། །འཇིག་རྟེན་ཀུན་ན་མཆོད་པ་སྟེ། །གྲུབ་པ་ཐམས་ཅད་ཐོབ་པར་འགྱུར། །གང་དག་འདྲི་ཞིང་ཀློག་པ་དང་། །འཛིན་ཅིང་དད་པ་དེ་བཞིན་ཏེ། །དེ་ཡང
89a5 ཚེ་འདི་ཉིད་ལ་ནི། །གྲུབ་པ་ཐམས་ཅད་ཐོབ་འགྱུར་ན། །དད་པ་བརྟུལ་ཞུགས་བརྟན་པ་ཡིས། །གྲུབ་པར་བྱེད་པ་ཅི་སྨོས་ཏེ། །སངས་རྒྱས་ཕྱག་ན་རྡོ་རྗེ་ཉིད། །ཚེ་འདི་ཉིད
89a6 ལ་དེ་ཡིས་ཐོབ། །རྟོག་པ་ཀུན་ཀྱང་སྦྱར་ཡང་རུང་། །རང་གིས་བྱས་པའང་དེ་བཞིན་ཏེ། །རྟོག་པའི་རྒྱལ་པོ་ཉིད་བསྒྲུབས་ན། །དད་པ་མེད་ཀྱང་མྱུར་དུ་འགྲུབ། །བདག
89a7 གི་ཁྱིམ་དུ་གནས་པ་གང་། །དེ་ལ་བདག་ཀྱང་ཀུན་འགྲུབ་ཕྱིར། །དེ་ལ་བདག་ནི་བསྲུང་བར་གནས། །དངོས་གྲུབ་དང་ནི་འདོད་ཀུན་དང་། །འཕེལ་བ་དང་ནི་འཚེ
iiif viewer powered by OpenSeadragon
