| e-texts navigator |
| Wylie |
86a1 @#། །སློབ་དཔོན་གྱི་རབ་ཏུ་བྱ་བ་འབྱུང་སྟེ། །དེ་ལ་འདི་ནི་དེ་བཞིན་གཤེགས་པའི་དཀྱིལ་འཁོར་གྱི་སློབ་དཔོན་དུ་སྒྲུབ་པ་སྟེ། དཀྱིལ་འཁོར་དུ་དེ་བཞིན
86a2 གཤེགས་པའི་སྤྱན་སྔར་བཛྲ་བིད་ཅེས་བྱ་བའི་སྙིང་པོ་སྟོང་རྩ་བརྒྱད་བཟླས་ནས་སློབ་དཔོན་རང་གིས་དམ་ཚིག་གི་ཕྱག་རྒྱ་སྟོང་བཟླས་ཏེ། སློབ་མ་དབང་བསྐུར་བའི་སྙིང་པོ
86a3 ནི་འདིའོ། །བཛྲ་སཏྭ། བཛྲ་རཏྣ། བཛྲ་དྷརྨ། བཛྲ་ཀརྨ། ཨོཾ་ཨ་མུ་ཁ་མ་དྷི་ཏིཥྛ་སརྦ་ཏ་ཐཱ་ག་ཏ་ཨཱཪྱ་དཏྟེ་སྭཱཧཱ། འདི་བརྒྱ་བཟླས་པ་ནི་སྙིང་ག་ལ་སོགས་པ་ཕྱག་རྒྱ་བཞག
86a4 ནས་སྤྱི་བོར་ཐམས་ཅད་བཟླས་སོ། །དེ་ནས་དེ་བཞིན་གཤེགས་པའི་རིགས་ཀྱི་སློབ་དཔོན་སྦྱིན་ནོ། །ཕྱག་ན་རྡོ་རྗེའི་ཆ་ལུགས་སྤྱི་པོར་བཟུང་ནས་སྙིང་པོ་འདི་བརྒྱའམ།
86a5 བརྒྱ་རྩ་བརྒྱད་དུ་ཟློས་ཤིག་བརྒྱ་བཟླས་པས་ནི་དེ་བཞིན་གཤེགས་པའི་རྡོ་རྗེའི་སློབ་དཔོན་དུ་འགྱུར་རོ། །བརྒྱ་རྩ་བཟླས་པས་ནི་ཏིང་ངེ་འཛིན་གྱི་རྡོ་རྗེ་སློབ་དཔོན་དུ
86a6 འགྱུར་རོ། །དེ་ལ་སྙིང་པོ་ནི་འདིའོ། །ོཾ་མཧཱ་སུ་ཁ་བཛྲ་སཏྭ་ཛཿཧཱུཾ་བཾ་ཧོཿསུ་ར་ཏ་སྟྭཾ། དེ་ནས་དེའི་ལག་ཏུ་རྡོ་རྗེ་སྦྱིན་ནོ། །དེ་ནས་རྡོ་རྗེ་རིགས་ཀྱི་སྟེ། ལག་པ་གཉིས
86a7 སུ་རྡོ་རྗེ་བྱིན་ནས་རྡོ་རྗེ་རིགས་ཀྱི་རྡོ་རྗེའི་དྲི་ཆུས་བསྲེས་པའི་བུམ་པས་དབང་བསྐུར་རོ། །སྙིང་པོ་འདིའོ། །ོཾ་བཛྲ་ཨ་དྷི་པ་དྷི་ཏྭཾ་ཨ་བྷི་ཥིཉྩཱ་མི་དྲི་ཌྷོ་བྷ་བ་ཛཿཧཱུཾ་བཾ་ཧོཿ
iiif viewer powered by OpenSeadragon
