| e-texts navigator |
| Wylie |
7b1 སྤྲོ་བར་མཛད་པའི་ཤུགས། །སེམས་ཅན་ཐམས་ཅད་རྟོགས་མཛད་པ། །དོན་ཡོད་བླ་མེད་བྱ་བ་ནི། །དོན་ཡོད་གྲུབ་པར་དེ་བཤད་དོ། །བྱང་ཆུབ་རང་བཞིན་ཡེ་ཤེས་མཆོག་།དེ
7b2 འདིར་རྡོ་རྗེ་ཞེས་བཤད་དོ། །རྡོ་རྗེ་ཡེ་ཤེས་ལས་བྱུང་བ། །རྡོ་རྗེ་སེམས་དཔར་དེ་བཤད་དོ། །སངས་རྒྱས་ཐམས་ཅད་སྤྱན་འདྲེན་པ། །རྡོ་རྗེ་ལྕགས་ཀྱུ་ཞེས་བཤད་དེ། །རྡོ་རྗེའི་རིགས
7b3 རྣམས་ཀུན་གྱི་རྒྱལ། །རྡོ་རྗེ་རྒྱལ་པོར་དེ་བཤད་དོ། །སངས་རྒྱས་ཐམས་ཅད་ཆགས་བྱེད་པས། །མཉེས་པར་བྱེད་པ་ཞེས་བཤད་དོ། །བདུད་ཀྱི་སྦྱོར་བ་ཆགས་པ་ཆེ། །རྡོ་རྗེ
7b4 ཆགས་པར་དེ་བཤད་དོ། །སངས་རྒྱས་ཐམས་ཅད་མཉེས་བྱེད་ཅིང་། །ལེགས་སོ་ཞེས་པ་རབ་སོགས་པ། །བྱང་ཆུབ་སེམས་དཔའ་དགའ་བྱེད་པས། །རྡོ་རྗེ་ལེགས་པར་དེ་བཤད
7b5 དོ། །བྱང་ཆུབ་སེམས་དཔའི་སྦྱིན་པ་གང་། །མཁའ་མཉམ་རྡོ་རྗེ་ལས་བྱུང་བ། །དོན་ཡོད་རིན་ཆེན་ཆེན་པོ་དེ། །རྡོ་རྗེ་རིན་ཆེན་དེ་བཤད་དོ། །མ་རིག་བྲལ་བའི་ཡེ་ཤེས་ནི། །ཚོགས
7b6 དག་ལས་ནི་ངེས་པར་བྱུང་། །ཐར་པའི་སྣང་བ་གཟི་བརྗིད་ཆེ། །རྡོ་རྗེ་ཉི་མར་དེ་བཤད་དོ། །རྣམ་པ་ཀུན་གྱི་དངོས་ཡེ་ཤེས། །ཐར་པའི་ལམ་འཇུག་ཐོབ་མཛད་གང་། །ཆོས་ཀྱི
7b7 རྒྱལ་མཚན་ཏོག་ཆེན་པོ། །རྡོ་རྗེ་དཔལ་དུ་དེ་བཤད་དོ། །རྡོ་རྗེ་བཤད་པ་རྣལ་འབྱོར་ཆེ། །སངས་རྒྱས་ཀུན་འབྱུང་རྨད་བྱུང་བ། །འདི་ནི་བྱང་ཆུབ་སེམས་དཔའ་ཆེ། །རྡོ་རྗེ་བཞད
iiif viewer powered by OpenSeadragon
