| e-texts navigator |
| Wylie |
6b1 པོའི་སྦྱོར་བ་ཡིས། །དེ་དག་ཀུན་ལ་ཉེ་བར་སྤྱད། །གསང་བ་མཆོག་གི་རྣལ་འབྱོར་པ། །ཏིང་འཛིན་ཡེ་ཤེས་དམ་པ་ཡིན། །གལ་ཏེ་དངོས་གྲུབ་མཆོག་འདོད་ན། །ང་རྒྱལ་མ་ཡིན་ཧཱུཾ་མ
6b2 ཡིན། །རིག་པ་མ་ཡིན་སྔགས་རིག་མིན། །ལག་པའི་ཕྱག་རྒྱའང་མི་བཅའ་འོ། །མཆོད་རྟེན་གྱི་ནི་ལས་མི་བྱ། །གླེགས་བམ་དག་ཀྱང་བཀླག་མི་བྱ། །དཀྱིལ་འཁོར་དག་ནི་མི་བྱ
6b3 ཞིང་། །རྡོ་རྗེ་མཆོག་གསུམ་ཕྱག་མི་བཙལ། །སློབ་དཔོན་སྨད་པར་མི་བྱ་སྟེ། །བླ་མ་སངས་རྒྱས་ཀུན་དང་མཉམ། །ཁྱོད་ཀྱི་སྲོག་ཆགས་གསད་པར་བྱ། །བརྫུན་གྱི་ཚིག་ཀྱང་སྨྲ
6b4 བར་བྱ། །ཁྱོད་ཀྱིས་མ་བྱིན་བླང་བྱ་ཞིང་། །གཞན་གྱི་བུད་མེད་བསྟེན་པར་བྱ། །སྦྱིན་སྲེག་ཡང་ན་བསམ་གཏན་མིན། །ལུས་ངག་ཡིད་ནི་མི་ཕྱེད་པ། །གཞན་མིན་སེམས་ཀྱིས་བྱ
6b5 བ་སྟེ། །འདི་ནི་གསང་བའི་མཆོག་ཡིན་ནོ། །སྔགས་རྣམས་ཐམས་ཅད་རབ་ཏུ་འགྲུབ། །རྣལ་འབྱོར་ཀུན་ཀྱང་རྣམ་ཀུན་ཏུ། །དེ་བས་འབད་པ་ཐམས་ཅད་ཀྱིས། །སངས་རྒྱས
6b6 ཆོས་ཉིད་བསྒོམ་པར་བྱ། །མ་འདྲེས་ཆོས་ནི་བཅོ་བརྒྱད་པོ། །སངས་རྒྱས་ཆོས་ཞེས་བཤད་པ་ཡིན། །དེ་རྣམས་རྟག་ཏུ་བསྒོམ་པ་ནི། །སངས་རྒྱས་ཆོས་ནི་སྒྲུབ་བྱེད་ཡིན། །
6b7 བསམ་གཏན་བཞི་དང་གཟུགས་མེད་བཞི། །རྟག་ཏུ་ཐོབ་པར་བྱས་པ་དང་། །འགོག་པའི་སྙོམས་འཇུག་དེ་ཡིས་ནི། །སངས་རྒྱས་བྱང་ཆུབ་རབ་ཏུ་བསྒྲུབ། །བྱང་ཆུབ་ཕྱོགས
iiif viewer powered by OpenSeadragon
