| e-texts navigator |
| Wylie |
4b1 དུ་བཤད། །རྡོ་རྗེ་ལས་ཅན་སྣ་ཚོགས་བཞིན། །སངས་རྒྱས་ལྔ་ཡི་བདག་ཉིད་ནི། །གསང་བའི་ཡེ་ཤེས་བླ་མེད་ཡིན། །ཕྱག་རྒྱ་བཞི་པོ་གསང་བ་དེ། །རྣལ་འབྱོར་པ་ཡིས་ལས
4b2 གྲུབ་བྱེད། །འབྱུང་བ་ཆེན་པོ་བཞི་པོ་ཡང་། །ཕྱག་རྒྱ་བཞི་ཞེས་བཤད་པ་ཡིན། །ཕྱག་རྒྱ་བཞི་ཡིས་མཉམ་སྦྱོར་བ། །ལྷ་མོ་བཞི་དང་ཡང་དག་སྦྱོར། །ས་ནི་སྤྱན་ཞེས་བཤད
4b3 པ་ཡིན། །ཆུ་ནི་མཱ་མ་ཀཱི་ཞེས་བཤད། །མེ་དང་རླུང་ཞེས་གྲགས་པ་ནི། །གོས་དཀར་མོ་དང་སྒྲོལ་མ་ཡིན། །དབང་ཆེན་ས་ཡི་ཁམས་ཡིན་ཏེ། །ཆུ་ཡི་ཁམས་ནི་ཆུ་དཀྱིལ་འཁོར།
4b4 །མེ་ནི་མེ་ཡི་ཁམས་ཡིན་ཏེ། །རླུང་ནི་རླུང་གི་དཀྱིལ་འཁོར་རོ། །དབང་ཆེན་ཁ་དོག་སེར་པོ་སྟེ། །གྲུ་བཞི་པ་སྟེ་རྒྱས་པ་ཡིན། །ཆུ་ཡི་དཀྱིལ་འཁོར་ཟླུམ་པོ་སྟེ། །དཀར་པོའི་མདོག
4b5 ཅན་ཞི་བའི་ཡིན། །མེ་ཡི་དཀྱིལ་འཁོར་ཁ་དོག་དམར། །གྲུ་གསུམ་དབང་གི་ལས་རྣམས་ལའོ། །རླུང་གི་དཀྱིལ་འཁོར་གཞུ་ཡི་དབྱིངས། །ནག་པོའི་གདུག་པའི་ལས་རྣམས
4b6 ལ། །འབྱུང་བ་ཆེ་བདག་ལས་གྲུབ་པ། །ལས་ཀྱི་དངོས་གྲུབ་ཡོན་ཏན་བཞི། །ལས་ཀྱི་དངོས་གྲུབ་དངོས་གྲུབ་མཆོག་།འཁོར་ལོས་བསྒྱུར་བ་རྣམ་པ་བཞི། །ཞི་བ་ལ་ནི་སྤྱན་གྱི
4b7 ཚུལ། །རྒྱས་པ་པདྨའི་རྡོ་རྗེ་ཅན། །དབང་ལ་རྣམ་པར་སྣང་མཛད་གནས། །རྡོ་རྗེ་ཁྲོ་བོ་མངོན་སྤྱོད་ལའོ། །ཞི་བ་དགོངས་ཀ་བྱ་བ་ཡིན། །དེ་བཞིན་རྒྱས་པ་སྔ་དྲོ་ལ། །གདུག་པའི
iiif viewer powered by OpenSeadragon
