| e-texts navigator |
| Wylie |
13a1 @#། །ཐམས་ཅད་གཅིག་བསྡུས་པ། །དེ་བཞིན་གཤེགས་པ་རྣམ་སྣང་མཛད། །དཔའ་བོའི་ལྟ་བ་དེ་བཞིན་གཤེགས། །ིནྡྲ་ནཱི་ལའི་འོད་འདྲ་ཞིང་། །རྡོ་རྗེ་ཐམས
13a2 ཅད་གཅིག་བསྡུས་པ། །མི་བསྐྱོད་ཡེ་ཤེས་ལས་བྱུང་བ། །རྡོ་རྗེའི་ལྟ་བ་དེ་བཞིན་གཤེགས། །འཛམ་བུའི་གསེར་གྱི་འོད་འདྲ་ཞིང་། །སངས་རྒྱས་ཐམས་ཅད་གཅིག་བསྡུས་པ། །
13a3 སེམས་ཅན་ཀུན་གྱི་དོན་དུ་བྱུང་། །འབར་བའི་ལྟ་བ་དེ་བཞིན་གཤེགས། །དཔའ་བོ་ཆེན་པོ་པདྨ་འདྲ། །པདྨ་རཱ་གའི་ནོར་བུའི་འོད། །ཆོས་ཀྱི་ཡེ་ཤེས་ལས་བྱུང་བ། །ཆགས
13a4 པའི་ལྟ་བ་དེ་བཞིན་གཤེགས། །མ་རྒད་ཀྱི་ནི་འོད་འདྲ་ཞིང་། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་གཅིག་ལས་བྱུང་བ། །བྱམས་པའི་ལྟ་བ་དེ་བཞིན
13a5 གཤེགས། །དབུས་མའི་ས་ཡི་གཞི་དག་པ། །ནོར་བུ་ཆུ་ཤེལ་མདོག་འདྲ་བ། །ཤར་ཕྱོགས་ཉིད་དུ་སྔོན་པོ་ཆེ། །ལྷོ་རུ་སེར་པོ་ཡང་དག་ལྡན། །ནུབ་ཕྱོགས་དེར་ནི་དམར་པོ
13a6 སྟེ། །བྱང་དུ་ལྗང་དང་ཡང་དག་ལྡན། །ཀུན་ཏུ་ཁྱམས་དང་ལྡན་པ་ལ། །སྒོར་ནི་ཁྱམས་དང་བྲལ་བའོ། །གང་ཞིག་དབུས་མར་ཡང་དག་བཤད། །སངས་རྒྱས་ཡེ་ཤེས་བླ
13a7 མེད་ཡིན། །གཞན་དག་དོན་ཀུན་ཡང་དག་ལྡན། །ཏིང་འཛིན་ཡེ་ཤེས་དམ་པ་ཡིན། །ནམ་མཁའི་དབྱིངས་ཀྱི་དབུས་གནས་པར། །ཟླ་བའི་དཀྱིལ་འཁོར་དམ་པ་བསམ། །
iiif viewer powered by OpenSeadragon
