| e-texts navigator |
| Wylie |
12a1 @#། །ཀྱི་ཡེ་ཤེས་རྙོག་མེད་ཡིན། །ཡོངས་སུ་གསལ་བར་རྣམ་ཤེས་པ། །དཀྱིལ་འཁོར་ཐུགས་ཀྱི་དམ་པ་ཡིན། །སྐུ་གསུང་ཐུགས་ཀྱི་སྤྱོད་པ་ཡིས། །འབད་པ
12a2 ཡིས་ནི་མཆོད་བྱེད་པ། །རང་གི་རྡོ་རྗེ་པདྨར་ལྡན། །དབང་པོ་གཉིས་ལས་བྱུང་བ་ཡི། །རང་གི་ཁུ་བ་ཐིག་ལེ་ཡིས། །རྡོ་རྗེ་སེམས་དཔའ་མཆོད་པར་བྱ། །ཚོགས་གཉིས་ཀྱི་ནི་སྦྱོར
12a3 བ་ཡིས། །སངས་རྒྱས་ཐམས་ཅད་གཅིག་བསྡུས་པ། །གཉིས་མེད་གཉིས་ཉིད་ལ་བརྟེན་པ། །ཐུགས་རྗེ་ཉམས་དང་ཡང་དག་ལྡན། །དབང་པོ་གཉིས་ཀྱིས་མཉམ་སྦྱོར་བས། །
12a4 རང་གི་ཁུ་བ་མཁས་པ་ཡིས། །རྣལ་འབྱོར་ཆེན་པོ་བྱུང་ནས་ནི། །དཀྱིལ་འཁོར་ཡང་དག་བྱིན་གྱིས་བརླབ། །དགོད་དམ་རབ་ཏུ་སྨྲ་བའམ། །སངས་རྒྱས་རོལ་མོའི་གར་བྱེད་པ། །
12a5 ལྷ་མོ་བཞི་ཡིས་མཉམ་སྦྱོར་བས། །རྒྱུ་དང་མི་རྒྱུ་རྣམས་ཀྱིས་རོལ། །གསང་ཞིང་ལེགས་པར་བསྒྲིལ་བ་དང་། །ཚད་དང་ལྡན་ཞིང་མཛེས་པ་ཡིས། །ཤེས་རབ་ཅན་གྱིས་ཐིག
12a6 གདབ་པ། །སྐུ་གསུང་ཐུགས་ནི་བསྒོམས་པས་སོ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་བྱས་ལ། །ཐིག་བཞི་དང་ནི་ཡང་དག་ལྡན། །དར་དང་མེ་ཏོག་ཕྲེང
12a7 བས་བརྒྱན། །གྲཝ་ཡི་མཚམས་ནི་ཐམས་ཅད་དང་། །སྒོ་ཁྱུད་ཀྱི་ནི་ནད་རྣམས་སུ། །རྡོ་རྗེ་རིན་ཆེན་སྤྲས་པས་ནི། །ཕྱི་ཡི་དཀྱིལ་འཁོར་ཐིག་གདབ་པོ། །རྡོ་རྗེའི་ཐིག་གིས་ཡོངས
iiif viewer powered by OpenSeadragon
