| e-texts navigator |
| Wylie |
11b1 ཞིང་སེམས་ཉིད་ཡིན། །སངས་རྒྱས་ཞིང་ཞེས་བཤད་པ་དང་། །བྱང་ཆུབ་སེམས་སུ་ཤེས་པར་བྱ། །རང་བཞིན་དག་པའི་སེམས་ཅན་ནི། །ཀུན་ཏུ་རིག་པར་ཡང་དག་བཤད། །
11b2 སེམས་ཅན་རང་བཞིན་དག་པ་ནི། །བྱང་ཆུབ་སེམས་སུ་ཤེས་པར་བྱ། །དང་པོར་གྱུར་པ་སྙིང་གར་རྡེབས། །བརྟན་པ་ཉིད་དུའང་རང་ཉིད་འགྱུར། །སྒྲ་འཛིན་པ་ནི་རལ་པའི་དབུས། །
11b3 འོད་དཔག་མེད་དུ་མཉམ་གཞག་ཡིན། །ཙུམ་པ་ན་ནི་རྗེས་བཤད་པ། །དེ་བཞིན་གཤེགས་པ་རྡོ་རྗེ་གསུང་། །དབང་པོ་གཉིས་ནི་མཉམ་སྦྱོར་བ། །རྣམ་པར་སྣང་མཛད་ཅེས
11b4 བཤད་དོ། །བུ་མོ་ལོ་གྲངས་བཅུ་གཉིས་པར། །སྐྱེས་མཆོག་ཐུབ་པས་གང་གསུངས་པ། །ཕ་རོལ་ཕྱིན་པ་བཅུ་གཉིས་སུ། །གསུངས་ཀྱི་གཞན་དུ་མི་བརྟག་གོ་།བུ་མོ་ལོ་གྲངས
11b5 བཅུ་དྲུག་པར། །དེ་བཞིན་གཤེགས་པས་གང་གསུངས་པ། །རྡོ་རྗེ་སེམས་སོགས་སེམས་དཔའ་ཡི། །བསྒོམ་པའི་དོན་གྱི་སྒྲ་ཡིན་ནོ། །ལྷ་མོ་ལོ་གྲངས་ཉི་ཤུ་པར། །འཁོར
11b6 ལོས་བསྒྱུར་བས་ཇི་སྐད་གསུངས། །མཆོད་པ་ཉི་ཤུའི་བདག་ཉིད་ཅན། །ཉི་ཤུ་པོ་དང་རིམ་བཞིན་ནོ། །རང་གི་ཆུང་མ་རང་རིག་ལས། །བྱུང་བའི་རང་རིག་ཡིན་པར་བཤད། །
11b7 གཞན་གྱི་ཆུང་མར་གང་བསྟན་པ། །གཞན་སྡུག་གཞན་གྱི་རིག་པ་ཡིན། །གཅི་དང་རྡོ་རྗེ་ཞེས་བཤད་པ། །རྡོ་རྗེ་ཡེ་ཤེས་བླ་མེད་ཡིན། །བཤང་དང་པདྨ་ཞེས་བཤད་པ། །ཆོས
iiif viewer powered by OpenSeadragon
