| e-texts navigator |
| Wylie |
11a1 @#། །ནི་དབང་ཆེན་དཀྱིལ་འཁོར་ཡིན། །སྲན་ལག་ཏུ་ནི་ཡང་དག་བཤད། །ཆུ་ཡི་དཀྱིལ་འཁོར་ཞེས་བཤད་དོ། །གང་ཞིག་མཐེ་བོ་སྟོན་པ་ནི། །དེ་ཡིས་མེ
11a2 ནི་མཚོན་པ་ཡིན། །གང་ཞིག་མཐེའུ་ཆུང་སྟོན་པ་ནི། །རླུང་གི་དཀྱིལ་འཁོར་ཉིད་དུ་འགྱུར། །གང་ཞིག་ལྟེ་བ་སྟོན་པ་ནི། །རྡོ་རྗེ་དབྱིངས་ཀྱི་དབང་ཕྱུག་བཤད། །གང་ཞིག
11a3 སྙིང་ག་སྟོན་པ་ནི། །རྡོ་རྗེ་སེམས་མར་རྗེས་སུ་དཔག་།གང་ཞིག་སྨིན་མཚམས་སྟོན་པ་ནི། །རྡོ་རྗེ་རིན་ཆེན་མ་ཞེས་བྱ། །གང་ཞིག་ལྐོག་མ་སྟོན་པ་ནི། །རྡོ་རྗེ་ཆོས་མར་ཤེས
11a4 པར་བྱ། །གང་ཞིག་སྤྱི་བོ་སྟོན་པ་ནི། །རྡོ་རྗེ་ལས་མར་ཤེས་པར་བྱ། །བྱང་ཆུབ་ལྔར་མངོན་བྱང་ཆུབ་པའམ། །ཡང་ན་ཡེ་ཤེས་ལྔ་རྣམས་སམ། །སངས་རྒྱས་ལྔ་དང་ཡང
11a5 དག་ལྡན། །དཀྱིལ་འཁོར་བྱང་ཆུབ་ཡིན་པར་བསྟན། །སྔོན་གྱི་སྒྲར་ནི་ཇི་སྐད་བཤད། །མདུན་དུ་དེ་ནི་རབ་ཏུ་བསྟན། །རྒྱབ་ཀྱི་སྒྲར་ནི་ཇི་ལྟར་བཤད། །ཕྱི་མར་དེ་ནི་ཡང་དག
11a6 བསྟན། །གང་དུ་ཐོག་མའི་སྒྲར་གྱུར་པ། །དེ་ནི་རྒྱུ་ཡི་སྒྲ་རུ་བསྟན། །གང་ཞིག་ཐ་མའི་སྒྲར་གྱུར་བ། །འདི་ནི་འབྲས་བུར་ཡང་དག་བསྟན། །སངས་རྒྱས་བཅོམ་ལྡན་གཉིས་མི
11a7 མངའ། །རྒྱུ་དང་འབྲས་བུར་ལྡན་འགྱུར་མིན། །གང་ཕྱིར་ཐོག་མ་ཐ་མ་མོད། །དེ་ཕྱིར་རྟག་པ་ཞེས་བཤད་དོ། །རང་སེམས་རྟོགས་པས་སངས་རྒྱས་ཏེ། །རྟོགས་པར་བྱ
iiif viewer powered by OpenSeadragon
