| e-texts navigator |
| Wylie |
10b1 ཐབས་ཀྱི་སྒོམ་པ་དག་། དངོས་གྲུབ་ཐམས་ཅད་སྟེར་བ་ཡིན། །ཇི་ལྟར་འཇིག་རྟེན་འདུལ་འགྱུར་བ། །དེ་ལྟར་རྣལ་འབྱོར་བ་ཡིས་སྤྱད། །ཇི་ལྟར་གདུལ་བྱ་དག་གྱུར་པ། །ཞེན་པ
10b2 ཀུན་ཏུ་མཆོད་པར་འགྱུར། །མཚན་ཉིད་གང་ཞིག་ཡང་དག་བཤད། །མཚན་ཉིད་དེས་ནི་མཚོན་པར་འགྱུར། །སྐུ་གསུང་ཐུགས་ཀྱི་ཕྱག་རྒྱ་ཡིས། །རྒྱས་བཏབ་ཡེ་ཤེས་ཡིན
10b3 པར་བཤད། །ཕྱག་རྒྱ་བསྒོམས་པས་རྣལ་འབྱོར་བ། །རྟག་ཏུ་ཕྱག་རྒྱའི་བདག་ཅན་འགྱུར། །རྒྱས་བཏབ་དངོས་པོ་ཤེས་ནས་ནི། །བསྒོམས་ན་ཕྱག་རྒྱས་བཏབ་པར་འགྱུར། །
10b4 མཚན་དང་མཚན་ཉིད་འབྲེལ་བ་ནི། །ཤེས་ནས་རྣལ་འབྱོར་ཡང་དག་སྤྱོད། །ཇི་ལྟར་མཚན་ཉིད་ཡང་དག་གྲུབ། །དེ་བཞིན་དག་པ་མྱུར་དུ་འགྲུབ། །གཡས་པའི་ཆ་ཡི་མཚན
10b5 མས་ནི། །ཤེས་རབ་ཅན་ནི་རབ་ཏུ་བསྟན། །གཡོན་གྱི་མཚན་མ་ཇི་ལྟར་མཐོང་། །དེ་ཡིས་ཐུགས་རྗེ་མཚོན་པ་ཡིན། །ཕྱག་ནི་གཉིས་ཀའི་མཉམ་སྦྱོར་ལས། །ཏིང་འཛིན་གཉིས
10b6 སུ་བཤད་པ་ཡིན། །ཞབས་གཉིས་ཀྱི་ནི་མཚན་མ་ཡིས། །ཚོགས་གཉིས་དག་ནི་བསྟན་པ་ཡིན། །སོར་མོ་ལྔ་ཡི་མཉམ་སྦྱོར་ལས། །དཀྱིལ་འཁོར་ལྔ་ཡིས་བརྒྱན་པ་ཡིན། །
10b7 སངས་རྒྱས་ལྔ་ཡེས་མངོན་བྱང་ཆུབ། །རིམ་པ་བཞིན་དུ་བསྟན་བྱ་སྟེ། །གང་ཞིག་གུང་མོ་སྟོན་པ་ནི། །ནམ་མཁའ་ལས་ནི་བྱུང་བ་མཚོན། །གང་ཞིག་མཛུབ་མོ་སྟོན་པ་ནི། །དེས
iiif viewer powered by OpenSeadragon
