| e-texts navigator |
| Wylie |
422b1 འབུལ་གྱི་དཔའ་བོ་བཞེས། །ལྷ་མ་སྲིན་ནི་སྡེ་བརྒྱད་ཀྱི། །སྲོག་གི་ཡང་སྙིང་ཕུལ་བ་ནི། །གཤིན་རྗེས་ཡ་ཕུལ་མ་མོས་མ། །སྲིན་བོས་ར་ཕུལ་གནོད་སྦྱིན་ཀྵེ། །མི་ཡིས་ཎི་ཕུལ་ས་བདགས།།
422b2 བཙན་གྱིས་ཙ་ཕུལ་བདུད་ཀྱིས་ད། །དེ་རྣམས་གཅིག་ཏུ་དྲིལ་བ་ནི། །བྲན་དུ་ཡང་ནི་ཁས་བླངས་སོ། །གཏན་ཚིགས་ཆེན་པོ་དེ་ཡི་ཕྱིར། །ཡེ་ཤེས་ལྷ་ཡི་དགོངས་པ་དང་། །བསྙེན་པ་ཉམས
422b3 འོག་རབ་ཆུད་ནས། །ལྷ་ཡི་བསྙེན་པ་རབ་ཆུད་ནས། །སྔོན་གྱི་ཐུགས་དམ་ལས་མི་འདའ། །མི་འགྲུབ་པ་ནི་མི་སྲིད་དོ། །ཡ་མཱ་ར་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་རོ་ནི་ར་ཡཀྵེ
422b4 ཡ། །ཡཀྵེ་ཡཙྪ་ནི་རཱ་མ་ཡ། ཧཱུཾ་ཧཱུཾ་ཕཊ་ཕཊ། དེ་སྐད་སྨྲས་པ་དང་། རྡོ་རྗེ་འཇིགས་བྱེད་ཆེན་པོ་ཡིས། །ཆོས་ཀྱི་རྒྱལ་པོ་ལ་སོགས་པ། །གཤིན་རྗེའི་ཕོ་ཉ་ལ་སོགས་ཀུན། །སྒྲོལ་བའི་བྲན
422b5 དུ་བྱིན་གྱིས་བརླབས། །མ་དང་སྲིང་མོ་བུ་མོ་དང་། །འཁོར་བཅས་ཀུན་ལ་བཀའ་བསྒོ་བ། །ལྔ་བརྒྱ་དུས་ཀྱི་ཐ་མ་ལ། །ང་ཡི་བསྟན་པ་འབྱུང་བའི་ཚེ། །རྣལ་འབྱོར་རིག་འཛིན་ལྡན་པ
422b6 ལ|་|བཀའ་བསྒོའི་ལས་རྣམས་ཚུལ་བཞིན་གྱིས། །ཞེས་པས་དམ་བཅས་པ་དང་། མནན་བཞིན་དུ་མནའ་བོར་རོ། །གཏམ་རྒྱུད་ཀྱི་རྟོག་པ་རྫོགས་སོ།། །།རྒྱ་གར་སྐད་དུ།
422b7 བྲི་ལོ་ཏ་རེ། བོད་སྐད་དུ། །ཏེའུ་ལོ་བའི་སྒྲུབ་པ། འཕགས་པ་འཇམ་དཔལ་ལ་ཕྱག་འཚལ་ལོ། །བསྙེན་པར་རྫོགས་པའི་རྣལ་འབྱོར་པས། །དྲག་པོའི་བསམ་པས་གནས་འདུག་སྟེ། །
iiif viewer powered by OpenSeadragon
