| e-texts navigator |
| Wylie |
420a1 @#། །ཡིན|་|ཡི་གེ་བཏུ་བ་མེད་ན་ནི། །གསང་སྔགས་སྒྲ་ནི་ལོག་པར་འགྱུར། །ཡི་གེ་ཚོང་བར་མ་བཀོད་ན། །གསང་སྔགས་སྒྲ་ནི་ལོག་པར་འགྱུར། །ཡི་གེ་ཚང་བར་མ་བཀོད་ན། །གསང་སྔགས་སྒྲ་ནི་ལོག་པར་འགྱུར། །གསང་སྔགས
420a2 བརྡ་ཡིས་མ་བརྗོད་ན། །སྔགས་ནི་དངོས་གྲུབ་མེད་པར་འགྱུར། །དྲང་བ་དག་ནི་མ་བྱས་ན། །ཤིན་ཏུ་འཁོར་བར་མི་འགྱུར་རོ། །ཡི་གེ་བསྲེ་བ་མ་བྱས་ན། །བཅུ་དྲུག་ཁང་པ་དོན་མེད་འགྱུར། །བསྐོར
420a3 ཕྱོགས་ལོག་ན་དོན་མི་འགྲུབ། །རིག་སྔགས་ཉམས་དང་ལོག་པ་ནི། །ལྷ་མིན་གཡུལ་ལས་ཕམ་པ་དང་། །དབང་པོའི་དགྲ་ཡིས་དགྲ་བསད་བཞིན། །འཁོར་ལོ་སྤོ་བ་མ་བྱས་ན། །ཆོ་ག་ངག་ནི
420a4 ཉམས་པར་འགྱུར། །རྒྱུ་ཡིན་པ་དང་སྦྱོར་བ་དང་། །དད་པ་བརྟན་པས་འགྲུབ་པར་འགྱུར། །དེ་བས་ནན་ཏན་བསྐྱེད་དེ་བྱ། །དཔལ་གཤིན་རྗེ་གཤེད་ནག་པོའི་འཁོར་ལོ་བྲི་བའི་ཆོ་ག་རྒྱས་པའི་རྟོག
420a5 པ་སྟེ་དང་པོའོ། ། །།དེ་ནས་གཞན་ཡང་བཤད་བྱ་བ། །སྔགས་པས་རྟག་ཏུ་བསྟེན་པ་ནི། །རུས་སྦལ་འོ་མ་ཞེས་བྱ་དང་། །དེ་བཞིན་འོད་ཀྱི་ལོ་མ་དང་། །འཇིམ་པ་སྐམ་པོ་ཉིད
420a6 དང་ནི། །དེ་བཞིན་མེ་ཡི་ཁུ་བ་དང་། །སྒྲ་སྙན་གྱི་ནི་རྫས་དག་དང་། །འདི་རྣམས་རྟག་ཏུ་དཔྱད་ན་ནི། །རང་བཞིན་གྱིས་ནི་ནད་མེད་ཅིང་། །ཚེ་རིང་དབང་པོ་རྒྱས་པ་དང་། །རྟག་ཏུ་ལང་ཚོ་དར་ལ
420a7 བབ། །ལྷ་རྣམས་ཀུན་གྱིས་བྱིན་གྱིས་རློབ། །འདི་ལ་དཔྱད་པར་མི་བྱ་སྟེ། །མཐུ་དང་ངོ་བོ་ཉིད་ཀྱིས་གྲུབ། །ཏིང་འཛིན་སྔགས་ཀྱིས་བྱིན་བརླབས་ན། །ལས་ཀྱི་རྣམ་སྨིན་སྦྱོང་པར་བྱེད། །རིག་པ
iiif viewer powered by OpenSeadragon
