| e-texts navigator |
| Wylie |
418b1 ལྡན་དྲངས་ནས་ནི། །དེ་བཞིན་དབུས་ཀྱི་ཁང་པར་གཞག་།དེ་ནས་ཤར་གྱི་ཡི་གེར་ཡང་། །ཟུང་ལྡན་གཉིས་པ་དྲངས་ནས་ནི། །རིམ་པ་གཉིས་པའི་ཁང་པར་གཞག་།ཕྱོགས་གཞན་དུ
418b2 ཡང་དེ་བཞིན་ནོ། །ཤར་གྱི་ཟུང་ལྡན་གསུམ་པ་ཡང་། །རིམ་པ་གསུམ་པའི་ཁང་པར་དྲང་། །ཕྱོགས་གཞན་དུ་ཡང་དེ་བཞིན་ནོ། །མཚམས་ཀྱི་ཡི་གེ་ཡ་བྲལ་ནི། །རང་རང་ནང་གི
418b3 མཚམས་སུ་དྲང་། །དེ་དག་ཕྱུང་བའི་ཁང་སྟེང་དུ། །དབྱངས་ཀྱི་ཡི་གེ་དྲང་བར་བྱ། །དབྱངས་ཀྱི་ཡི་གེ་གཞི་ལ་ནི། །མིང་གི་ཡི་གེ་དྲང་བར་བྱ། །མིང་གི་ཡི་གེ་བཞི་ལ་ནི། །སོ་སོའི་ལས
418b4 དང་མཐུན་པ་ཡི། །སྐུལ་བའི་ཡི་གེ་དགོད་པར་བྱ། །བསད་དང་བསྐྲད་དང་དབྱེ་བ་ལ། །ཡི་གེ་ཕཊ་ནི་གཞག་པར་བྱ། །མནན་པ་ལ་ཡང་ཡི་གེ་ལཾ། །ཞི་བ་ལ་ནི་ཡི་གེ་ཨོཾ། །རྒྱས་པ་དེ་བཞིན
418b5 ཡི་གེ་སྭ|་|དབང་ལ་བཾ་གྱིས་བརྒྱན་པ་སྟེ། །དགུག་པ་ལ་ནི་ཡི་གེ་ཛ། །དེ་ལ་ལས་ཀྱི་འོད་ཟེར་ནི། །ཞི་བ་ཆུ་སྟེ་རྒྱས་པས། །དབང་ནི་རླུང་སྟེ་དྲག་པོ་མེ། །དབྱེ་དགུག་བསྐྲད་པ་དབང་དང
418b6 མཐུན|་|མནན་པ་དག་ནི་རྒྱས་པ་བཞིན། །དྲང་བའི་སྦྱོར་བ་བྱས་ནས་ནི། །བསྲེ་བའི་སྦྱོར་བ་བརྩམ་པར་བྱ། །གཉིས་མེད་སྔགས་དང་ལྡན་པ་ཡིས། །དབུས་ཀྱི་བཀྲ་ཤིས་ཡི་གེ་ཡང་། །
418b7 ཟླ་ལྟར་འོད་ཀྱི་གོང་བུར་བྱ། །སྔགས་ཀྱི་རྒྱལ་པོ་བཅུ་པ་ཡང་། །འོད་ཀྱི་གོང་བུ་དེ་ནང་དུ། །འདོད་པའི་བསྒྲུབ་བྱ་གཞག་པར་བྱ། །དེ་དཀྱིལ་རང་མིང་དང་བོར་གཞག་།ཕྱོགས་ཀྱི་ཁྱིམ
iiif viewer powered by OpenSeadragon
