| e-texts navigator |
| Wylie |
417a1 @#། །ཆོ་ག་བཤད། །ཡོན་ཏན་ལྡན་པའི་སྔགས་པ་ཡིས། །ཆོ་ག་བཞིན་དུ་བསྙེན་བྱས་ནས། །དུར་ཁྲོད་དབེན་པ་ལ་སོགས་པར། །དཀྱིལ་འཁོར་ཁྲུ་དོ་ཚད་དུ་བྱ། །དྲི་དང་བ་ཡི
417a2 རྣམ་ལྔ་དང་། །ཉི་ཟླ་སོགས་པས་བྱི་དོར་བྱ། །བ་ལང་ལ་སོགས་དམ་རྫས་ལྔ། །གཞན་ཡང་ཚོགས་ཀྱི་འཁོར་ལོ་དང་། །ཕྱི་ནང་ཕྱེད་པའི་བྱེ་བྲག་གིས། །ལེགས་པར་མཆོད་པ་བྱས་ནས་ནི། །
417a3 འཁོར་ལོ་བྲི་དང་བཏུ་བ་དང་། །དྲང་དང་བསྲེ་དང་སྤོ་བ་བརྩམས། །སྔགས་པ་རྣལ་འབྱོར་ལྡན་པ་ཡིས། །ལྷོ་ཡི་ཕྱོགས་སུ་ཁ་བལྟས་ཏེ། །དམ་ཚིག་རྗེས་སུ་དྲན་པ་ཡིས། །ོཾ་བཛྲ་ས་མ
417a4 ཡ་སྟྭཾ|་གསང་སྔགས་འདི་ནི་རྗེས་དྲན་བྱེད། །འཁོར་ལོ་བྲི་བ་བརྩམ་པར་བྱ། །དབུས་ནས་སོར་ཚད་བཅུ་དྲུག་པར། །ཀུན་ནས་ཟླུམ་པོས་བསྐོར་ན་ནི། །འདི་ནི་ནང་གི་དཀྱིལ་འཁོར་ཏེ། །
417a5 རིམ་པ་གསུམ་དུ་བསྐོར་བ་ལ། །སྒོ་མེད་ལྕགས་མཁར་བཅུ་དྲུག་བྱ། །འདི་ནི་གཤིན་རྗེའི་གྲོང་ཁྱེར་ཏེ། །སྲིད་པ་གསུམ་གྱི་འཇུག་ས་ཡིན། །དེ་ཡི་ཕྱི་རིམ་མུ་ཁྱུད་གསུམ། །ཀུན་ཏུ
417a6 ལྕགས་རིས་བསྐོར་བ་སྟེ། །མུ་ཁྱུད་དེ་དག་རེ་རེ་ཡང་། །ཁང་པ་སུམ་ཅུ་གཉིས་དང་ལྡན། །འགྲོ་བ་ཆོས་བཞིན་སྤྱོད་པ་ཡི། །འཁོར་ལོ་འདི་ལྟར་བྲིས་ནས་ནི། །ཕྱི་རོལ་མུ་ཁྱུད་ཐ་མ་ལ། །
417a7 ཡི་གེ་ཀ་སོགས་ད་ཡིག་མཐར། །ང་ཉ་བསལ་ནས་དགོད་པར་བྱ། །ཡི་གེ་དྷ་སོགས་ཀྵ་ཡིག་མཐར། །དེ་ཡི་རྗེས་སུ་བྲི་བར་བྱ། །མུ་ཁྱུད་དབུས་མ་དག་ལ་ནི། །དབྱངས་ཡིག་བཅུ་དྲུག
iiif viewer powered by OpenSeadragon
