| e-texts navigator |
| Wylie |
203b1 ཡང་ཆེར་གཡོས་སོ། །འབྲུག་གི་སྒྲ་ཡང་བྱུང་། ཉི་མ་དང་སྐར་མ་ཡང་མི་སྣང་བར་གྱུར་ཏོ། །དེ་ནས་འཕགས་པ་ལག་ན་རྡོ་རྗེ་གོས་སྔོན་པོ་ཅན་ལ་འཁོར་ཐམས་ཅད་ཀྱིས་གསོལ་པ། གོས་སྔོན
203b2 པོ་ཅན་ཁྱོད་ཅི། བདེ་གཤེགས་ཀུན་གྱི་སྤྲུལ་པ་འམ། །གལ་ཏེ་བསྡུས་པའི་སྐུ་ཡིན་ནམ། །ལས་ཀྱི་ཁྲོ་བོར་དབང་བསྐུར་རམ། །བདག་ཅག་འཁོར་དང་བཅས་པ་རྣམས། །ཇི་ལྟ་བུ་ཡི་དུས
203b3 གསུམ་བཀའ་ཉན་ཏེ། །ལས་དང་བྱ་བ་ཐམས་ཅད་བཀའ་སྩལ་མཛོད། །དྲག་པོའི་ཏིང་ངེ་འཛིན་ནི་བསྟན་དུ་གསོལ། །ཞེས་གསུངས་སོ། །གླེང་གཞིའི་ལེའུ་སྟེ་དང་པོའོ།། །།
203b4 དེ་ནས་ལག་ན་རྡོ་རྗེ་དྲག་པོ་ཞེས་བྱ་བའི་ཏིང་ངེ་འཛིན་ཏུ་ཞུགས་ཏེ་འདི་སྐད་ཅེས་གསུངས་སོ། །ཕྱག་རྒྱ་གསང་སྔགས་མཐུ་སྦྱོར་ལས། །ཁྲོ་བོའི་རྒྱལ་པོ་བསམ་པར་བྱ། །ཁྲོ་བོ་རྡོ་རྗེའི་ཏིང
203b5 འཛིན་གྱིས། །བྱིན་རླབས་ཡ་མཚན་སྣ་ཚོགས་ལྡན། །ཏིང་འཛིན་དེ་ལ་དབང་ཐོབ་ནས། །ལས་རྣམས་སྒྲུབ་ལ་ཐོགས་པ་མེད། །ཞི་རྒྱས་དབང་དང་དྲག་པོ་དང་། །བསད་རྨོངས་སྣ་ཚོགས་ངེས
203b6 པར་འགྲུབ། །དེ་ཉིད་འགྲུབ་པར་གདོན་མི་ཟ། །རང་གཞན་འཕགས་དང་བླ་མ་དང་། །ཤིན་ཏུ་བླ་མ་དམ་པ་ཡང་། །མཆོད་གནས་དངོས་གྲུབ་མྱུར་དུ་འབྱུང་། །གལ་ཏེ་གཞན་ལ་ཕན་འདོགས
203b7 ན|་|སྐུ་དེ་སྣ་ཚོགས་སྐུ་རུ་སྣང་། །སྣང་བའི་སྒྱུ་མའི་སྐུ་ཡིན་ཡང་། །གདུག་པ་འདུལ་ཕྱིར་རགས་པར་སྣང་། །སྣ་ཚོགས་དེ་ཉིད་བསམ་བྲལ་བའི། །དངོས་གཞི་ཡང་དག་ཐར་པ་གཅིག་།
iiif viewer powered by OpenSeadragon
