| e-texts navigator |
| Wylie |
280a1 @#། །པའི་སྐུད་པ་ལས་རས་བྱས་ལ། དེ་དང་ཐགས་མཁན་གཉིས་ཀ་ཟན་དང་། འོ་མ་བཟའ་བར་བྱ་ཞིང་། དེ་ནས་པདྨའི་གདན་ལ་སྟོད་གཡོགས་དམར་པོའི་གོས
280a2 དང་བཅས་པས་རིན་པོ་ཆེའི་རྣ་ཆ་དང་། རིན་པོ་ཆེའི་ཅོད་པན་དང་། གཡས་པས་མི་འཇིགས་པ་སྦྱིན་པ་དང་། གཉིས་པས་མདའ་རྣ་རྩེར་འགེངས་པ། གཡོན་པས་གཞུ་འཛིན
280a3 པ་དང་། ཨུཏྤལ་དམར་པོ་གཉིས་པ་ན་བསྣམས་པ་དང་། འོད་དཔག་མེད་ཅོད་པན་ན་བཞུགས་པ་རིའི་ཕུག་ན་གནས་པའི་ཀུ་རུ་ཀུལླེའོ། །ཀུ་རུ་ཀུལླེའི་འོག་ཏུ་ནི་སྒྲ་གཅན
280a4 འཛིན་ནོ། །དེའི་སྟེང་དུ་འདོད་པའི་དབང་ཕྱུག་ཆུང་མ་དང་བཅས་པའོ། །འདོད་པའི་ལྷའི་སྟེང་དུ་ཟླ་བའི་དཀྱིལ་འཁོར་རོ། །དེ་ལ་པདྨ་དམར་པོའི་གདན་ནོ། །དེ་ལ་གནས
280a5 པའི་སྣ་ཚོགས་པའི་ཆ་བྱད་ཅན་གྱི་བཅོམ་ལྡན་འདས་མ་བྲིས་ལ་རས་རིས་རབ་ཏུ་གནས་པ་བྱའོ། །དེའི་མདུན་དུ་མཆོད་པ་རྣམ་པ་བཅོ་བརྒྱད་བྱས་ལ་ཡར་གྱི་ངོའི
280a6 ཚེས་བརྒྱད་ཟླ་བ་ཉའི་བར་དུ་བཟླས་པར་བྱའོ། །སྒྲོལ་མའི་སྙིང་པོ་ནི་འདི་ཡིན་ཏེ། ཨོཾ་ཀུ་རུ་ཀུལླེ་ཧྲཱིཿཧཱུཾ་སྭཱཧཱ། ཞེས་བྱ་བའི་སྔགས་སོ། །དེ་ནས་སྔོན་དུ་བསྙེན་པ་འབུམ
280a7 ཙམ་བྱས་ལ། ཡང་སྟོན་ཟླ་ཐ་ཆུང་ངམ། དཔྱིད་ཟླ་འབྲིང་པོའམ། དབྱར་ཟླ་འབྲིང་པོའི་སངས་རྒྱས་ལ་མཆོད་པའི་དུས་ཚིགས་ཀྱི་ཉིན་པར་ཐོ་རངས་ཀྱི་ཁྲུས་བྱས་ལ་གསོ
iiif viewer powered by OpenSeadragon
