| e-texts navigator |
| Wylie |
99b1 ན་སྲས་ཁྱེའུ་ཡ་རི་སེང་གེ་ལ་ཞོན་པ་ལས། སེང་གེ་བརྒལ་ནས་རྡབ་ཅི་བསྣུན་པས་སྲས་བུའི་གདོང་པ་ཅུང་ཟད་སྣད་དེ་ཁྲག་ཕྱུང་པ་ལས་སྤྲེའུ་ཞིག་གིས་ཤིང་གིས་ལོ་མ་བླངས་ཏེ
99b2 གདོང་གི་ཁྲག་ཕྱིས་ནས། ཆུ་འགྲམ་དུ་ཁྲིད་དེ་ཁྲག་བསྐུས་པའང་། རྒྱལ་བུས་རྒྱང་མ་ནས་མཐོང་ངོ་། །དེའི་ཚེ་ཡུལ་ཀེ་ལེ་ཞེས་བྱ་བར་བྲམ་ཟེ་དབུལ་པོ་ཞིག་།ལོ་བཞི་བཅུ་ལོན་ནས་ཆུང
99b3 མ་བླངས་སོ། །ཆུང་མ་ནི་རབ་ཏུ་བཟང་ཞིང་སྡུག་ལ། བྲམ་ཟེ་དེ་ནི་རབ་ཏུ་མི་སྡུག་པའི་མཚོན་མ་བཅུ་གཉིས་རྫོགས་པར་ཡོད་དེ། དེའི་ལུས་མདོག་སོལ་བ་ལྟར་གནག་ལ། གདོང་ལ
99b4 འབུར་པོ་འབུར་པོ་གསུམ་ཡོད་པ། སྣ་འཁྱོར་ཞིང་། མིག་གཉིས་ཤེལ་ལྟར་སྡོ་བ། གདོང་གཉེར་མ་ཅན་ལ། མ་མཆུ་འཕྱང་བ། སྨྲ་བའི་སྐད་མི་སྙན་པ། གསུས་པ་ཆེ་ལ་རྐུབ
99b5 འབུར་བ། རྐང་པ་གཉིས་གྱོལ་བ། མགོ་ཤུ་བ་ཅན་ལ། སྐྲ་མེད་པ། འདྲེ་ལྟར་མི་སྡུག་པ་ཞིག་སྟེ། ཆུང་མས་ཀྱང་མཐོང་མི་འདོད་པ་ཙམ་དུ་ཤི་ཡང་བླ་ཞེས་རྒྱུན་དུ་དམོད་མོ་བྱེད་པ་ཞིག
99b6 ཡོད་དོ། །དུས་གཞན་ཞིག་ན་ཆུང་མ་དེ་ཆུ་ཆུར་སོང་སོང་བ་ལས། ལམ་དུ་ཁྱོ་ག་གཞོན་ནུ་མ་དག་ཁ་ཅིག་དང་ཕྲད་ནས། ཁྱོ་ག་རྣམས་ཀྱིས་ཁྱིམ་ཐབ་ཀྱི་ཁ་གཟུགས་འདི་འདྲའོ། །ཞེས་ཅོ་འདྲི་ཞིང
99b7 བགད་ནས། ཁྱོད་ནི་དཔེ་མེད་པར་བཟང་ཞིང་སྡུག་ན། ཅི་ལྟར་འདི་འདྲ་བའི་ཆུང་མ་བྱེད་ནུས་ཞེས་སྨྲས་པ་དང་། ཆུང་མས་ཁྱོ་ག་དེ་དག་ལ་འདི་སྐད་ཅེས་སྨྲས་སོ། །རྒན་པོའི་མགོ་ནི
iiif viewer powered by OpenSeadragon
