| e-texts navigator |
| Wylie |
97b1 ཏིག་ཏུ་སོང་ཞིག་ཅེས་བཀའ་སྩལ་པས། ད་འདིར་འདུག་པར་གྱུར་ན། རྒྱལ་པོའི་བཀའ་དང་འགལ་ཏེ། བུ་སྲི་ཞུ་ཅན་མ་ཡིན་ནོ་ཞེས་སྨྲས་པས། རྒྱལ་བུ་དེ་མ་ཐག་ཏུ་བྱམས
97b2 པའི་སེམས་ཀྱིས་ཏིང་ངེ་འཛིན་དུ་ཞུགས་པ་དང་། མོད་ལ་ཆུའི་ནང་ནས་རི་ཆེན་པོ་ཞིག་བྱུང་ནས། ཆུའི་རྒྱུན་བཅད་དོ། །དེ་ནས་རྒྱལ་བུ་དང་བཙུན་མོ་གོས་བརྗེས་ཏེ། ཆུ་བརྒལ
97b3 ནས|་ཕར་བརྒལ་མ་ཐག་ཏུ་རྒྱལ་བུས་ཡང་འདི་སྙམ་དུ་བསམས་སོ། །ཐལ་བྱུང་སོང་བར་གྱུར་ན། ཆུ་འཁྱིལ་བ་འདིས་སེམས་ཅན་མང་དུ་འཆི་སྟེ། གྲོག་སྤུར་མང་པོ་ཆུས་ཁྱེར
97b4 བར་འགྱུར་སྙམ་བསམས་ནས། རྒྱལ་བུ་ཕྱིར་ཆུ་ལ་བལྟས་ཏེ། འདི་སྐད་ཅེས་སྨྲས་སོ། །ཆུ་ཁྱོད་སྔ་མཁོ་བ་བཞིན་དུ་རྒྱུན་དུ་འབབ་ཅིང་གལ་ཏེ་བདག་འདོད་པ་ཞིག་འོངས་ན་ཡང་ཐར
97b5 བར་བྱོས་ཤིག་ཅེས་བྱས་མ་ཐག་ཏུ་ཆུ་ཡང་སྔ་མཁོ་བ་བཞིན་དུ་འབབ་པར་གྱུར་ཏོ། །དེ་ནས་སོང་བ་ལས་རི་དན་ཏིག་ཏུ་ཕྱིན་ནས། རྒྱལ་བུས་རི་དེ་ལ་བལྟས་ན། རི་དེ་རང་རོང་དང་། ཟད
97b6 ཟེད་དུ་འདུག་ལ། ཤིང་མང་པོ་རབ་ཏུ་རྒྱས་ཤིང་། བྱ་སྣ་ཚོགས་ཀྱང་སྙན་པའི་སྒྲ་འབྱིན། འབབ་ཆུ་དང་། ཆུ་མིག་དང་། མཚེའུ་དང་། ལྟེང་ཀར་ལྡན་ཏེ། ཆུ་ནི་མངར། འབྲས་བུ་ནི
97b7 ཞིམ|་ཆུ་བྱ་དང་། ངང་ངུར་དང་། འཇོལ་མོ་དང་། རི་སྐེགས་ལ་སོགས་པ་བྱ་རྣམ་པ་སྣ་ཚོགས་དག་ཀྱང་གནས་པ་མཐོང་ནས། རྒྱལ་བུས་བཙུན་མོ་ལ། ཡང་འདི་སྐད་ཅེས་སྨྲས་སོ། །
iiif viewer powered by OpenSeadragon
