| e-texts navigator |
| Wylie |
97a1 ཞིག་ཡོད་དོ། །དེ་ལྟར་སོང་སོང་བ་ལས། འབྲོག་དགོན་པར་ཕྱིན་ནས་བཀྲེས་པ་དང་། སྐོམ་པའི་སྡུག་བསྔལ་གྱིས་ཉེན་པ་ལས། སུམ་ཅུ་རྩ་གསུམ་གནམ
97a2 གྱི་ལྷའི་དབང་པོས་འབྲོག་དགོན་པ་དེར། གྲོང་ཁྱེར་ཁྱིམ་བཟང་པོ་ཚོང་དུས་དང་། ལམ་སྲང་ཡོད་པ། རོལ་མོ་དང་། གོས་དང་། བཟའ་བ་དང་། བཏུང་བ་དང་ལྡན་པ། གྲོང་ཁྱིམ
97a3 དེ་ན་མི་དག་གིས། རྒྱལ་བུ་བསུ་བ་དག་སྤྲུལ་ཏོ། །མི་མང་པོས་རྒྱལ་བུ་གྲོང་ཁྱིམ་དུ་བསུས་ཏེ། ཟས་དང་། སྐོམ་དང་། བདེ་བའི་ཡོ་བྱད་ཀྱིས་བསྟབས་པ་དང་། བཙུན་མོས་རྒྱལ
97a4 བུ་ལ་སྨྲས་པ། ལམ་རིང་པོར་བགྲོད་པས་རབ་ཏུ་ངལ། ད་ཐལ་བྱུང་འདུག་ཏུ་མི་རུང་ངམ། རྒྱལ་བུས་སྨྲས་པ། ཡབ་རྒྱལ་པོས་བདག་ཅག་ལ། རི་དན་ཏིག་ཏུ་སོང་ཞིག་ཅེས
97a5 བཀའ་སྩལ་ཏེ། ད་འདིར་འདུག་པར་གྱུར་ན། ཡབ་རྒྱལ་པོའི་བཀའ་དང་འགལ་བར་འགྱུར་ཏེ། བུ་སྲི་ཞུ་ཅན་མ་ཡིན་ནོ་ཞེས་གསུངས་ནས་གྲོང་ཁྱེར་དེ་ནས་བྱུང་སྟེ། མོད
97a6 ལ་སོང་ངོ་། །དེ་ལྟར་སོང་བ་ལས་རིང་པོ་མ་ལོན་པར། རི་དན་ཏིག་གི་དྲུང་དུ་ཕྱིན་པ་དང་། རི་དེའི་དྲུང་ན་ཆུ་ཆེན་པོ་ཤིན་ཏུ་ཟབ་པ། རྒལ་བར་མི་ཐར་པ་ཞིག་དང་ཕྲད་དོ། །
97a7 དེ་ནས་བཙུན་མོས་རྒྱལ་བུ་ལ་རེ་ཞིག་འདིར་བསྡད་དོ། །ཆུ་ཆེན་པོ་བྲི་ནས་བརྒལ་ཏེ་འདོང་། ཞེས་སྨྲས་པ་དང་། རྒྱལ་བུས་སྨྲས་པ། ཡབ་རྒྱལ་པོས་བདག་ཅག་ལ་རི་དན
iiif viewer powered by OpenSeadragon
