| e-texts navigator |
| Wylie |
96b1 པ་དང་། རྒྱལ་བུས་ཤིང་རྟ་ཡང་བྲམ་ཟེ་ལ་བྱིན་ནོ། །དེ་ནས་ཡང་སོང་བ་ལས། རིང་པོ་མ་ལོན་པར་ཡང་བྲམ་ཟེ་སློང་བ་དང་ཕྲད་ནས། རྒྱལ་བུས་དེ་དག་ལ་འདི་སྐད་ཅེས་སྨྲས
96b2 སོ|་|གལ་ཏེ་བདག་གིས་ཁྱོད་ལ་མ་བྱིན་ན་ནི། ཆགས་ཤིང་སེར་སྣ་བྱེད་པར་འགྱུར་ན། ད་ནི་བདག་ལ་ནོར་ཟས་ཟད་དེ་ཅི་ཡང་མེད་དོ་ཞེས་སྨྲས་པ་དང་། བྲམ་ཟེ་ན་རེ། ནོར
96b3 རྫས་མེད་ན་ལུས་ལ་གྱོན་པའི་གོས་དེ་ང་ལ་བྱིན་ཅིག་ཅེས་སྨྲས་པ་དང་། རྒྱལ་བུས་ལུས་ལ་གྱོན་པའི་གོས་རིན་པོ་ཆེ་ཡང་སློང་བ་ལ་བྱིན་ཏེ། གོས་རྙིང་པ་ཞིག་གྱོན་ཏེ་དོང་བ་ལས
96b4 རིང་པོ་མ་ལོན་པར་བྲམ་ཟེ་ཡང་སློང་བ་ཞིག་དང་ཕྲད་ནས་རྒྱལ་བུས་བཙུན་མོའི་གོས་བྱིན་ནོ། །དེ་ནས་དོང་བ་ལས། རིང་པོ་མ་ལོན་པར་བྲམ་ཟེ་སློང་བ་དང་ཕྲད་ནས་རྒྱལ་བུས་སྲས
96b5 གཉིས་ཀྱི་གོས་ཀྱང་བྱིན་ནོ། །དེ་ལྟར་རྒྱལ་བུས་རྟ་དང་། ཤིང་རྟ་དང་། ནོར་རྫས་དང་། བགོ་བའི་གོས་ཀྱི་བར་དུ་མ་ལུས་པ་ཟད་པར་བྱིན་པ་ཡང་། ཐོག་མ་ནས་འགྱོད་པའི་སེམས
96b6 སྐྲའི་ཉག་མ་ཙམ་མམ། བ་སྤུ་ཙམ་ཡང་མེད་དོ། །རྒྱལ་བུས་ནི་སྲས་བུ་ཁུར་དུ་ཐོགས། བཙུན་མོས་ནི་སྲས་མོ་པང་དུ་ཁྱེར་ནས། རྐང་པས་སོང་ཡང་རྒྱལ་བུ་དང་། བཙུན་མོ
96b7 དང་|་སྲས་གཉིས་ཀྱིས་བར་དུ་དགའ་བའི་མདངས་དང་བཅས་ཏེ། རིག་ལ་བ་དེར་སོང་ངོ་། །རི་དན་ཏིག་ཅེས་བྱ་བར་ཡུལ་ཡ་བ་ནས་ལམ་སོ་རབ་ཏུ་རིང་སྟེ། དཔག་ཚད་ཕྲག་སྟོང
iiif viewer powered by OpenSeadragon
