| e-texts navigator |
| Wylie |
95b1 ཡུལ་གྱི་སྲིད་བདེ་ཞིང་འབངས་མང་པོ་གཏམས་ལས་མི་གཅད་པར་གྲོས་གདབ་པར་གསོལ་ལོ། །ཡུམ་གྱིས་རྒྱལ་བུ་འགྲོའོ་ཞེས་མཆི་ཕྱག་བྱས་པ་མཐོང་ནས། ལྷག་པར་མྱ་ངན
95b2 གྱིས་གདུངས་ཏེ་དྲུང་ན་འདུག་ལ་འདི་སྐད་ཅེས་སྨྲས་སོ། །ཁོ་མོའི་ལུས་འདི་ནི་རྔོ་བ་ཡིན་པ་ལྟ། སྙིང་ནི་རྡོ་རྗེ་ཡིན་པ་ལྟ་སྟེ། བདག་གི་རྒྱལ་པོ་ཆེན་པོའི་རིམ་གྲོ་བྱ་བ་ལ་སྐྱོན་མ་བྱུང
95b3 ན|་ད་ཁོ་མོའི་གཅིག་བུ་འདི་དང་བྱེ་བྲལ་ཏེ། འགྲོ་ན་ཅིའི་ཕྱིར་ཁོ་མོའི་སྙིང་འདི་གས་ཏེ་ཤི་བར་མ་གྱུར། བུ་འདི་ཁོ་མོའི་ཁོང་པ་ན་འདུག་པ་ན། སྐྱེད་ཤིང་གི་འདབ་མ་ལྟར
95b4 ཉིན་མཚན་ཆེར་སྐྱེས་ཏེ། ད་སྐྱེད་རྫོགས་ནས། ཁོ་མོ་བོར་ཏེ་སོང་བས་ན། བཙུན་མོ་ཐམས་ཅད་ཀྱང་བདག་ལ་སྙིང་ཚིམ་མོ་ཞེས་བརྗོད་ལ་རྒྱལ་པོས་ཀྱང་བཀུར་བར་མི
95b5 འགྱུར་ན། གལ་ཏེ་ལྷ་རྣམས་ཀྱིས་བདག་གིས་སྨོན་ལམ་བཞིན་མི་འགལ་བར་མཛད་ན། བདག་གི་བུ་ཕྱིར་ཡུལ་དུ་འཁོར་བར་ཤོག་ཅིག། ཅེས་སྨོན་ལམ་བཏབ་བོ། །དེ་ནས
95b6 རྒྱལ་བུ་བཙུན་མོ་དང་། སྲས་གཉིས་དང་བཅས་ཏེ། ཡབ་དང་། ཡུམ་ལ་མཆི་ཕྱག་བྱས་ཏེ་དོང་ངོ་། །དེའི་ཚེ་བཙུན་མོ་ཉི་ཁྲིས་ནི་སོ་སོ་ནས་མུ་ཏིག་གི་ཆུན་པོ་རེ་རེ་བརྫངས་སོ། །བློན
95b7 པོ་ཆེན་པོ་བཞི་སྟོང་གིས་ནི་རིན་པོ་ཆེ་སྣ་བདུན་ལས་བྱས་པའི་མེ་ཏོག་པདྨོ་རེ་རེ་རྒྱལ་བུ་ལ་བརྫངས་སོ། །དེ་ནས་རྒྱལ་བུ་ཕོ་བྲང་ནང་ནས་བྱུང་སྟེ། གྲོང་ཁྱེར་གྱི་བྱང་སྒོར་ཕྱིན་ནས།
iiif viewer powered by OpenSeadragon
