| e-texts navigator |
| Wylie |
94a1 སློང་བ་མང་པོ་ལྷགས་པ་ལ་རྒྱལ་བུ་རྒྱལ་ཚབ་ཀྱིས། ཟས་དང་། སྐོམ་དང་། ནོར་དང་། རིན་པོ་ཆེ་རྣམས་ཞག་བདུན་གྱི་བར་དུ་ཡིད་བཞིན་དུ་བྱིན
94a2 ནས|་དབུལ་ཕོངས་པ་རྣམས་ལོངས་སྤྱོད་དང་ལྡན་ཞིང་། ཐམས་ཅད་བདེ་སྐྱིད་པར་བྱས་སོ། །དེ་ནས་རྒྱལ་བུ་རྒྱལ་ཚབ་ཀྱིས། ཆུང་མ་ལ་སྨྲས་པ། བཞིན་བཟང་། ལོངས
94a3 ལ་བདག་ཅི་ཟེར་བ་ཉོན་ཅིག། རྒྱལ་པོ་ཆེན་པོས་ནི། བདག་ལོ་བཅུ་གཉིས་ཀྱི་བར་དུ་རི་དན་ཏིག་ཅེས་བྱ་བར་སྤངས་སོ། །ཆུང་མས་རྒྱལ་བུས་སྨྲས་པའི་ཚིག་ཐོས་ནས
94a4 ཡིད་ཅེས་དངངས་ཏེ། ལངས་ནས་འདི་སྐད་ཅེས་སྨྲས་སོ། །རྒྱལ་བུ་ལ་ཉེས་པ་ཅི་ཞིག་མཆིས་ན་རྒྱལ་པོས་དེ་ལྟར་དེ་ལྟར་མཛད་པར་གྱུར། རྒྱལ་བུས་སྨྲས་པ། བདག་གིས
94a5 སྦྱིན་པ་མ་འོས་པ་ཞིག་བྱས་ཏེ། རྒྱལ་པོའི་བང་མཛོད་ཀྱང་སྟོངས། བལ་གླང་རིན་པོ་ཆེ་ཡང་དགྲ་ཟླ་ལ་བྱིན་ཞེས་རྒྱལ་པོ་དང་། བློན་པོ་རྣམས་ཁྲོས་ནས་བདག་སྤངས་པ་ཡིན
94a6 ནོ|་|བཙུན་མོ་མན་ཏེས་སྨྲས་པ། རྒྱལ་པོའི་ཡུལ་དུ་ལོ་ལེགས་པ་དང་། རྒྱལ་པོ་ཆེན་པོ་དང་། བློན་པོ་དང་། འབངས་ཀྱི་བར་དུ་བདེ་སྐྱིད་པ་དང་། ལོངས་སྤྱོད་ཆེ་བར་སྨོན
94a7 ལམ་ལེགས་པར་བཏབ་པ། བདག་ཅག་རི་ལ་སྒོམ་དུ་འདོང་ངོ་། །རྒྱལ་བུས་སྨྲས་པ། བཞིན་བཟང་། རི་ནི་འཇིགས་པའི་གནས་ཡིན་ཏེ། ཤིན་ཏུ་བྱ་དཀའ་བ་གསུམ
iiif viewer powered by OpenSeadragon
