| e-texts navigator |
| Wylie |
93b1 ལགས་ན། ཅིའི་སླད་དུ་འདི་བཀོལ་ཏེ་མ་གཏོགས་ཞེས་གསུངས། རྒྱལ་པོས་རྒྱལ་བུ་རྒྱལ་ཚབ་ལ་སྨྲས་པ། ཁྱོད་རི་དེ་ན་ཏིག་ཏུ་ལོ་བཅུ་གཉིས་སྤངས་ཀྱི། ཡུལ་འདི་ནས་མྱུར་དུ་བྱུང
93b2 སྟེ་སོང་ཞིག། རྒྱལ་བུས། རྒྱལ་པོ་ལ་གསོལ་པ། བདག་རྒྱལ་པོ་ཆེན་པོས་བཀའ་སྩལ་པའི་བཀའ་ནི་མི་གཅོག་ན། ད་དུང་ཡང་ཞག་བདུན་ཞིག་སྦྱིན་པ་བགྱིས་ཏེ། བདག་གིས
93b3 བསམ་པ་རྫོགས་ནས་ཡུལ་འདི་ནས་བྱུང་སྟེ། མཆི་བར་འཚལ་ལོ་ཞེས་གསོལ། རྒྱལ་པོས་སྨྲས་པ། ཁྱོད་ཀྱིས་སྦྱིན་པ་མ་འོས་པར་བྱས་པས་ཡུལ་གྱི་བང་མཛོད་ཀུན་སྟོངས་ཏེ།
93b4 ངའི་བལ་གླང་རིན་པོ་ཆེ་ཡང་མེད་པར་བྱས་པས་ཁྱོད་སྤངས་པ་ཡིན་ཏེ། ད་ཕྱིར་འདུག་ཅིང་ཞག་བདུན་སྦྱིན་པ་བྱར་མི་གནང་གི། མྱུར་དུ་སོང་ཞིག་ཅེས་བསྒོའོ། །རྒྱལ་བུས
93b5 གསོལ་པ། རྒྱལ་པོ་ཆེན་པོའི་བཀའ་བདག་མི་གཅོག་སྟེ། རྒྱལ་པོའི་བཙུན་མོ་ཉི་ཁྲི་སྙེད་ཀྱང་རྒྱལ་པོ་གང་ན་བ་དེར་ལྷགས་ནས། རྒྱལ་བུ་རྒྱལ་ཚབ་ཞག་བདུན་ཞིག་སྦྱིན་པ
93b6 བྱིན་ཏེ|་ཡུལ་ནས་མཆི་བར་གསོལ་པས་རྒྱལ་པོས་ཀྱང་དེ་བཞིན་དུ་གནང་ངོ་། །དེ་ནས་རྒྱལ་བུ་རྒྱལ་ཚབ་ཀྱིས་སོ་སོ་བྲན་གཡོག་མངགས་ཏེ། ཕྱོགས་བཞི་ནས་ནོར་རྫས་འདོད
93b7 པ་རྣམས་ཕོ་བྲང་སྒོར་འདུས་ཤིག། ནོར་ཟས་ཐམས་ཅད་ནི་རྟགས་དང་། བརྟན་དུ་རང་བ་མ་ཡིན་ཏེ། མཐར་འཇིག་ཅིང་མེད་པའི་ཆོས་ཅན་ནོ་ཞེས་བསྒོ་བས། ཕྱོགས་བཞི་ནས
iiif viewer powered by OpenSeadragon
