| e-texts navigator |
| Wylie |
87a1 གཉིས་པ་ལ་ཉིན་བདུན་དུ་ནོར་དང་། འབྲུའི་ཆར་རབ་ཏུ་ཕབ་བོ། །འདི་ལྟ་སྟེ། ཏིལ་དང་། འབྲས་ཐུག་པོ་ཆེ་དང་། མོན་སྲན་གྲེའུ་དང་། མོན་སྲན་དཀར་དུ
87a2 དང་། ནས་དང་། གྲོ་དང་། སྤན་ཆུང་དང་། འབྲས་སཱ་ལུ་དང་། འབྲུའི་རིགས་ཐམས་ཅད་དང་། ཞག་བདུན་དུ་མར་སར་གྱི་ཆར་བབ་བོ། །ཞག་བདུན་དུ་ཏིལ་མར་གྱི་ཆར་བབ་བོ། །
87a3 ཞག་བདུན་དུ་བེའུ་རས་ཀྱི་ཆར་བབ་བོ། །ཞག་བདུན་དུ་རྫས་རྣམ་པ་སྣ་ཚོགས་ཀྱི་ཆར་བབ་བོ། །ཞག་བདུན་དུ་རིན་པོ་ཆེ་སྣ་བདུན་ལ་གསེར་དང་། དངུལ་དང་། ཤེལ་དང་། བཻ་ཌཱུཪྱ
87a4 དང་། མུ་ཏིག་དམར་པོ་དང་། རྡོའི་སྙིང་པོ་དང་། སྤུག་རྣམས་ཏེ། རིན་པོ་ཆེ་སྣ་བདུན་པོ་འདི་དག་གི་ཆར་བབ་བོ། །རྒྱལ་པོ་གསེར་མདོག་གི་མཐུས། འཛམ་བུའི་གླིང་གི་མི
87a5 ཐམས་ཅད་ཀྱི་དབུལ་བ་ཡང་དག་པར་བཅད་པར་གྱུར་ཏོ། །དགེ་སློང་དག་དེའི་ཚེ་དེའི་དུས་ན། རྒྱལ་པོར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་ཀྱིས་སོམ་ཉི་དང་། ཡིད་གཉིས་སུ
87a6 མི་བྱའོ|་|དགེ་སློང་དག་དེའི་ཚེ་དེའི་དུས་ན། རྒྱལ་པོ་གསེར་མདོག་ཅེས་བྱ་བ་འབྱུང་བ་དེ་ནི། ང་ཉིད་ཡིན་པར་བལྟ་བར་བྱའོ། །དགེ་སློང་དག། རྣམ་གྲངས་དེས་ཀྱང་འདི་ལྟར
87a7 རིག་པར་བྱ་སྟེ། ཇི་ལྟར་ངས་སྦྱིན་པའི་འབྲས་བུ་དང་། སྦྱིན་པ་ལ་འགེད་པའི་རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ཀྱིས་ཀྱང་སྦྱིན་པའི་འབྲས་བུ་དང་། སྦྱིན་པ
iiif viewer powered by OpenSeadragon
