| e-texts navigator |
| Wylie |
85a1 སངས་རྒྱས་དེ་ལ་འདི་སྐད་ཅེས་སྨྲས་སོ། །དྲང་སྲོང་། ཅིའི་ཕྱིར་འདིར་བྱོན། །དྲང་སྲོང་གིས་སྨྲས་པ། རྒྱལ་པོ་ཆེན་པོ། ཟས་ཀྱི་ཕྱིར་རོ། །དེ་ནས་རྒྱལ་པོ་གསེར
85a2 མདོག་རབ་ཏུ་དུས་ཏེ། མཆི་མ་ཕྱུང་ནས། ཨེ་མའོ། །བདག་དབུལ་ཏེ་འདི་ལྟར་འཛམ་བུའི་གླིང་གི་དབང་ཕྱུག་དམ་པ་བྱས་ཀྱིས་ཀྱང་། དྲང་སྲོང་གཅིག་ལ་བསོད་སྙོམས་དབུལ་བར་མ
85a3 ནུས་སོ|་|དེ་ནས་རྒྱལ་པོའི་ཕོ་བྲང་གསེར་ཅན་ན་གནས་པའི་ལྷ་དེས་རྒྱལ་པོ་གསེར་མདོག་ལ་ཚིགས་སུ་བཅད་དེ་སྨྲས་པ། ཅི་ཞིག་སྡུག་བསྔལ་ཡིན་ཞེས་ན་ནི་དབུལ་བའོ། །ཤིན་ཏུ
85a4 སྡུག་བསྔལ་གང་ཡིན་དབུལ་བ་དེ་ཉིད་དེ། །དབུལ་བ་དག་ནི་ནང་ན་ཤི་དང་མཚུངས་པར་གྱུར་པ་སྟེ། །བདག་ནི་ཤི་ཡང་བླ་ཡི་དབུལ་བར་མི་འདོད་དོ། །དེ་ནས་རྒྱལ་པོ་གསེར་མདོག
85a5 གིས་མཛོད་པ་པོས་ནས། འདི་སྐད་ཅེས་སྨྲས་སོ། །གྲོང་གི་གཙོ་བོ། ཁྱིམ་ན་བཟའ་བ་ཅུང་ཟད་ཡོད་ན། དྲང་སྲོང་འདི་ལ་དབུལ་བར་བྱའོ། །དེས་སྨྲས་པ། གང་ལྷ་ཉིད་མཁྱེན་པ་ལགས
85a6 ཏེ|་འཛམ་བུའི་གླིང་གི་ཟས་ལ་སོགས་པ་ཐམས་ཅད་ཡོངས་སུ་བས་སོ། །གཞན་དུ་ན་ལྷ་ཉག་གཅིག་ཤོས་ཀྱི་ལྷག་མ་བྲེའུ་ཆུང་གང་ཞིག་མཆིས་སོ། །དེ་ནས་རྒྱལ་པོ་གསེར་མདོག
85a7 འདི་སྙམ་དུ་གྱུར་ཏེ། གལ་ཏེ་ཟོས་ན་ནི་འཚོ། ཅི་སྟེ་མ་ཟོས་ན་ནི་འཆིའོ་སྙམ་མོ། །དེ་ཡང་འདི་སྙམ་དུ་གྱུར་ཏེ། གལ་ཏེ་ཟོས་ཀྱང་ངེས་པར་བདག་འཆི་བར་འགྱུར་ཏེ། འཚོ་བས་ཆོག་གི།
iiif viewer powered by OpenSeadragon
