| e-texts navigator |
| Wylie |
84b1 གང་ན་བ་དེར་སོང་ངོ་། །དེའི་ཚེ་རྒྱལ་པོ་གསེར་མདོག་བློན་པོ་ལྔ་སྟོང་ཙམ་དང་། ཁང་བཟང་གི་སྟེང་ན་འཁོད་བར་གྱུར་ཏོ། །བཅོམ་ལྡན་འདས་རང་སངས་རྒྱས་དེ་རྒྱང་རིང་པོ་ནས་འདི་ལྟར
84b2 འོང་བ་ན། སྣ་ཆེན་པོ་ལ་གཏོགས་པ་གཅིག་གིས་མཐོང་ངོ་། །མཐོང་ནས་སྣ་ཆེན་པོ་ལ་གཏོགས་པ་དག་བོས་ནས། གྲོང་གི་གཙོ་བོ་དག། ལྟོས་ཤིག། འདི་ལྟར་རྒྱང་རིང་པོ་ནས་བྱ་དམར
84b3 པོ་འཕུར་བ་ཞིག་འོང་ངོ་། །སྣ་ཆེན་པོ་ལ་གཏོགས་པ་གཉིས་པས་སྨྲས་པ། གྲོང་གི་གཙོ་བོ་དག། འདི་ནི་བྱ་དམར་པོ་འཕུར་བ་མ་ཡིན་གྱི། འདི་ནི་སྲིན་པོ་མདངས་འཕྲོག་ཞིག་འོང་སྟེ།
84b4 འདིས་ནི་དེད་བདག་ཅག་ཟོས་པར་འགྱུར་རོ། །དེ་ནས་རྒྱལ་པོ་གསེར་མདོག་ལག་པ་གཉིས་ཀས་བཞིན་ལེགས་པར་ཕྱིས་ཏེ། སྣ་ཆེན་པོ་རྣམས་ལ་སྨྲས་པ། གྲོང་གི་གཙོ་བོ་དག། འདི
84b5 ནི|་བྱ་དམར་པོ་འཕུར་བ་མ་ཡིན་ལ། སྲིན་པོ་མདངས་འཕྲོག་པ་ཡང་མ་ཡིན་ནོ། །འདི་ནི་དྲང་སྲོང་སྟེ་བདག་ཅག་ལ་སྙིང་བརྩེ་བའི་ཕྱིར་འོང་ངོ་། །དེ་ནས་བཅོམ་ལྡན་འདས་རང
84b6 སངས་རྒྱས་དེ་རྒྱལ་པོ་གསེར་མདོག་གི་ཁང་བཟང་གྱི་སྟེང་དུ་བབས་སོ། །དེ་ནས་རྒྱལ་པོ་གསེར་མདོག་ལངས་ནས། བཅོམ་ལྡན་འདས་རང་སངས་རྒྱས་དེ་བསུས་ནས། བཅོམ་ལྡན
84b7 འདས་རང་སངས་རྒྱས་དེའི་ཞབས་ལ་མགོ་བོས་ཕྱག་བཙལ་ཏེ། སྟན་བཤམས་པ་ལ་བཞུགས་པར་གསོལ་ཏོ། །དེ་ནས་རྒྱལ་པོ་གསེར་མདོག་གིས། བཅོམ་ལྡན་འདས་རང
iiif viewer powered by OpenSeadragon
