| e-texts navigator |
| Wylie |
84a1 ཆགས་ལས་སྡུག་བསྔལ་འདི་བྱུང་སྟེ། །ཆགས་ལས་སྡུག་བསྔལ་འདི་འཇུག་པས། །དེ་ཕྱིར་མཁས་པས་ཆགས་སུན་ཕྱུང་། །བསེ་རུ་ལྟ་བུར་གཅིག་པུ་སྤྱད།།
84a2 དེ་ནས་བཅོམ་ལྡན་འདས་རང་སངས་རྒྱས་དེ་འདི་སྙམ་དུ་གྱུར་ཏེ། བདག་གི་སེམས་ཅན་རྣམས་ཀྱི་ཕྱིར། དཀའ་བ་མང་ཞིག་སྤྱད་པས་ནི་སུ་ལ་ཡང་ཕན་པ་བྱས་པ་མ་ཡིན་ཏེ། བདག
84a3 གིས་དེང་སུ་ཞིག་ལ་སྙིང་བརྩེ་བར་བྱ་ཞིང་བདག་གིས་དེང་སུ་ཞིག་ལ་བསོད་སྙོམས་བླངས་ཏེ། ཡོངས་སུ་བཟའ་བར་བྱ་སྙམ་མོ། །དེ་ནས་བཅོམ་ལྡན་འདས་རང་སངས་རྒྱས་དེ་མི
84a4 ལས་ཤིན་ཏུ་འདས་པའི་ལྷའི་སྤྱན་གྱིས་འཛམ་བུའི་གླིང་འདི་ཀུན་ཏུ་བལྟས་པ་དང་། བཅོམ་ལྡན་འདས་རང་སངས་རྒྱས་དེས་འཛམ་བུའི་གླིང་གི་ཟས་ལ་སོགས་པ་ཡོངས་སུ་ཟད
84a5 པར་མཐོང་སྟེ། གཞན་དུ་ན་རྒྱལ་པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་དོ། །དེ་འདི་སྙམ་དུ་གྱུར་ཏེ། བདག་གིས་ངེས་པར་རྒྱལ་པོ་གསེར་མདོག་ལ་སྙིང
84a6 བརྩེ་བར་བྱ་ཞིང་། བདག་གིས་ངེས་པར་རྒྱལ་པོ་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག་ཡོད་པ་ལས་བླངས་ཏེ། ཡོངས་སུ་བཟའ་བར་བྱའོ་སྙམ་མོ། །དེ་ནས
84a7 བཅོམ་ལྡན་འདས་རང་སངས་རྒྱས་དེ་དེའི་རྫུ་འཕྲུལ་འདི་ལྟ་བུས་ནམ་མཁའ་ལ་མངོན་དུ་སོང་སྟེ། ལུས་སྣང་བར་བྱ་བཞིན་དུ་རྫུ་འཕྲུལ་གྱིས། རྒྱལ་པོའི་ཕོ་བྲང་གསེར་ཅན
iiif viewer powered by OpenSeadragon
