| e-texts navigator |
| Wylie |
81b1 མི་དབབ་པར་བྱའོ་ཞེས་བསྒོའོ། །དེའི་ཐབས་འདིས་ལོ་མང་པོ་ཞིག་ཏུ་རྒྱལ་སྲིད་བྱེད་པ་ན་དུས་གཞན་ཞིག་གི་ཚེ། ལོ་བཅུ་གཉིས་ཀྱི་བར་དུ་ཆར་མི་འབབ་པའི་རྒྱུ་སྐར་ངན་པ་ཞིག་བྱུང
81b2 བར་གྱུར་ཏོ། །དེའི་ཚེ་བྲམ་ཟེ་མཚན་ཉིད་འདོན་པ་དང་། ལྟས་པ་དང་། མོ་པ་རྣམས་ས་དང་། བར་སྣང་གི་རྒྱུ་སྐར་དང་། གཟའ་དང་། བ་བསང་རྒྱུ་བ་དག། དེ་ཐམས་ཅད་ཀྱི་མཚན་ཉིད
81b3 ཤེས་པར་བྱས་ནས། རྒྱལ་པོ་གསེར་མདོག་ག་ལ་བདེར་སོང་སྟེ་ཕྱིན་ནས། རྒྱལ་པོ་གསེར་མདོག་ལ་འདི་སྐད་སྨྲས་སོ། །ལྷ|་མཁྱེན་པར་མཛོད་ཅིག་།དགུང་ལོ་བཅུ་གཉིས་ཀྱི་བར
81b4 དུ་ཆར་མི་འབབ་པའི་རྒྱུ་སྐར་ངན་པ་དེ་བྱུང་བར་གྱུར་ཏོ། །དེ་ནས་རྒྱལ་པོ་གསེར་མདོག་དངོས་པོ་བསྒྲགས་པ་དེ་ཐོས་ནས། རབ་ཏུ་དུས་ཏེ་མཆི་མ་ཕྱུང་ནས། ཨེ་མའོ། །ངའི་འཛམ་བུའི
81b5 གླིང་གི་མི་རྣམས་ཨེ་མའོ། །ེ་མའོ། །ངའི་འཛམ་བུའི་གླིང་གི་མི་རྣམས་ཨེ་མའོ། །ེ་མའོ། །ངའི་འཛམ་བུའི་གླིང་འབྱོར་བ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས
81b6 དགའ་ཞིང་སྐྱེ་བོ་དང་། མི་མང་པོས་གང་བ་རྣམས་རིང་པོར་མི་ཐོགས་པ་ཉིད་དུ་སྟོང་ཞིང་མི་དང་བྲལ་བར་འགྱུར་རོ། །དེ་ནས་རྒྱལ་པོ་གསེར་མདོག་ཡུད་ཙམ་ཞིག་མྱ་ངན་དང་། སྨྲེ་སྔགས
81b7 འདོན་པ་སངས་ནས། འདི་སྙམ་དུ་གྱུར་ཏེ། གང་འདི་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་དེ་དག་ནི་འཚོ་བར་ནུས་ཀྱི། གང་དག་དབུལ་ཞིང་ནོར་ཉུང་ལ་བཟའ་བཏུང་དང་། ལོངས
iiif viewer powered by OpenSeadragon
