| e-texts navigator |
| Wylie |
80b1 པའི་དུས་ན། རྒྱལ་པོ་གསེར་མདོག་ཅེས་བྱ་བ། གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་ཞིག་བྱུང་ངོ་། །རྒྱལ་པོ་གསེར་མདོག་དེ་ཕྱུག
80b2 སྟེ་ནོར་མང་ལ། ལོངས་སྤྱོད་ཆེ་ཞིང་། བདག་དབང་བ་མང་བ་དང་། དབྱིག་དང་། ཡོ་བྱད་མང་པ་དང་། ནོར་དང་། འབྲུ་དང་། ནོར་བུ་དང་། མུ་ཏིག་དང་། མན་ཤེལ་དང་། བྱུ་རུ
80b3 མང་བ་དང་། གསེར་དང་། དངུལ་མང་བ་དང་། གླང་པོ་ཆེ་དང་།རྟ་དང་། བ་ལང་དང་། རྟ་རྒོད་མ་མང་བ་དང་། མཛོད་དང་། བང་བ་ཡོངས་སུ་གང་བ་ཞིག་བྱུང་ངོ་། །རྒྱལ་པོ་གསེར་མ་དོག
80b4 གི་ཕོ་བྲང་གྲོང་ཁྱེར་གསེར་ཅན་ཞེས་བྱ་བར་བཏགས་ཏེ། ཆུར་ནི་ཤར་ནས་ནུབ་ཏུ་དཔག་ཚད་བཅུ་གཉིས་ཡོད་དོ། །ཞེང་ནི་ལྷོ་ནས་བྱང་དུ་དཔག་ཚད་བདུན་ཡོད་དེ། འབྱོར་བ
80b5 དང་|་རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་ཞིང་སྐྱེ་བོ་དང་། མི་མང་པོ་རྣམས་ཀྱིས་གང་ངོ་། །རྒྱལ་པོ་གསེར་མདོག་ལ་གྲོང་ཁྱེར་བརྒྱད་ཁྲི་ཡོད་དེ།
80b6 འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་ཞིང་སྐྱེ་བོ་དང་། མི་མང་པོ་རྣམས་ཀྱིས་གང་ངོ་། །གྲོང་ས་ཡ་ཕྲག་ལྔ་བདུན་འབུམ་ཡོད་དེ། འབྱོར
80b7 པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། ཉམས་དགའ་ཞིང་སྐྱེ་བོ་དང་། མི་མང་པོ་རྣམས་ཀྱིས་གང་ངོ་། །རི་འོ་རབ་དྲུག་ཁྲི་ཡོད་དོ། །འབྱོར་བ་དང་། རྒྱས་པ་དང་།
iiif viewer powered by OpenSeadragon
