| e-texts navigator |
| Wylie |
341b1 བར་འགྱུར་རོ། །ཚེ་འདི་ལ་དམ་པའི་ཆོས་ཀྱིས་མདོ་སྡེ་ཀློག་པ་དང་། འདོན་པ་ལ་བསྔགས་པས་ནི་སྐྱེ་བ་ཐམས་ཅད་དུ་སྒྲ་དབྱངས་སྙན་ཅིང་ཀུན་གྱིས་ཐོས་པར་དགའ་བར་འགྱུར་རོ། །
341b2 ཚེ་འདི་ལ་ཚུལ་ཁྲིམས་སྡོམ་པས་ནི་སྐྱེ་བ་ཐམས་ཅད་དུ་བྱད་བཞིན་བཟང་བ་དང་། མིའི་མཆོག་ཏུ་འགྱུར་རོ། །ཚེ་འདི་ལ་ཆུ་དཀོན་པའི་སར་ཁྲོན་པ་མང་པོ་བརྐོས་ལ་སྐོམ་སྦྱར་ལ།
341b3 ལམ་སྲང་དུ་ཀུན་ཤོང་བར་བྱེད་དེ་བསྐྱེད་ཅིང་མིའོ་ཅོག་སྒྲོལ་བ་ནི་སྐྱེ་བ་ཐམས་ཅད་དུ་མིའི་རྒྱལ་པོ་བྱེད་ཅིང་ཟས་སྐོམ་རོ་བརྒྱ་དང་ལྡན་པ་ཡིད་བཞིན་དུ་འབྱུང་བར་འགྱུར་རོ། །ཚེ་འདི
341b4 ལ་མདོ་སྡེ་ལ་སོགས་པ་འདྲིའམ། གཞན་ལ་བྱིན་ཏེ་ཀློག་ཏུ་བཅུག་པ་ནི་སྐྱེ་བ་ཐམས་ཅད་དུ་ཚིག་ལ་ཐོགས་པ་མེད་ཅིང་སློབ་པ་ཐམས་ཅད་ལན་གཅིག་ཐོས་པས་མི་བརྗེད་པར་ཟིན་པར
341b5 འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་ཡང་རྟག་ཏུ་དེ་ལ་དགོངས་པར་འགྱུར་རོ། །མིའི་ནང་ན་མཆོག་དང་། ཕུལ་དུ་འགྱུར་རོ། །གཙོ་བོར་འགྱུར་རོ། །ཚེ་འདི་ལ་ཟམ་པ
341b6 དང་། གྲུ་ལ་སོགས་པ་བྱེད་དེ་སྐྱེ་བོ་མང་པོ་སྒྲོལ་བར་བྱེད་པ་ལ་དགའ་བ་ནི་སྐྱེ་བ་ཐམས་ཅད་དུ་རིན་པོ་ཆེ་སྣ་བདུན་དང་ལྡན་ཞིང་ཕལ་མང་པོས་བཀུར་ཏེ་བསྔགས་སོ། །འགྲོ་ཞིང
341b7 འོང་བ་ལ་བསུ་བསྐྱལ་བར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། དགའ་བོ། ཇི་ལྟར་ངས་མདོ་སྡེ་ཐམས་ཅད་ལས་རྒྱུ་དང་། འབྲས་བུར་བཤད་དོ། །སེམས་ཅན་རྣམས
iiif viewer powered by OpenSeadragon
