| e-texts navigator |
| Wylie |
340a1 གསུམ་དུ་ལྟུང་བར་འགྱུར་ཏེ། ཅི་སྟེ་མིར་སྐྱེས་ནའང་འབྲས་བུ་རྣམ་པ་གཉིས་སྨིན་ཏེ། བདེན་པའི་ཚིག་སྨྲས་པའང་ཀུན་གྱིས་ཡིད་མི་ཆེས་པ་དང་། སྨྲས
340a2 པ་ཐམས་ཅད་མི་གསལ་བར་འོང་ངོ་། །འདོད་ཆགས་ཀྱི་ཁ་ན་མ་ཐོ་བ་ཡང་སེམས་ཅན་ངན་སོང་གསུམ་དུ་ལྷུང་བར་བྱེད་དོ། །ཅི་སྟེ་མིར་སྐྱེས་ནའང་འབྲས་བུ་རྣམ་པ་གཉིས
340a3 སྨིན་ཏེ། ནོར་ལ་ཆགས་ཤིང་ཆོག་མི་ཤེས་པའི་རང་བཞིན་དང་། མང་དུ་ཚོལ་ཡང་བསམ་པ་བཞིན་མི་འགྲུབ་བོ། །ཞེ་སྡང་གི་ཁ་ན་མ་ཐོ་བའང་སེམས་ཅན་ངན་སོང་གསུམ
340a4 དུ་ལྟུང་བར་བྱེད་དོ། །ཅི་སྟེ་མིར་སྐྱེས་ནའང་འབྲས་བུ་རྣམ་པ་གཉིས་སྨིན་ཏེ། གཞན་གྱིས་རྟག་ཏུ་གླགས་ཚོལ་བ་དང་། རྟག་ཏུ་གཞན་གྱིས་འཚེ་བར་འགྱུར་རོ། །ལོག་པར་ལྟ་བའི་ཁ
340a5 ན་མ་ཐོ་བའང་སེམས་ཅན་ངན་སོང་གསུམ་དུ་ལྟུང་ངོ་། །ཅི་སྟེ་མིར་སྐྱེས་ནའང་འབྲས་བུ་རྣམ་པ་གཉིས་སྨིན་ཏེ། རྟག་པར་ལོག་པར་ལྟ་བའི་ཁྱིམ་དུ་སྐྱེ་བ་དང་། གཡོན་ཅན
340a6 དུ་སྐྱེ་བར་འགྱུར་རོ། །ཀྱེ་རྒྱལ་བའི་སྲས་དག་།དེ་ལྟ་བུའི་མི་དགེ་བ་བཅུ་ནི་སྡུག་བསྔལ་མང་པོས་གདུངས་པའི་རྒྱུ་ཡིན་ནོ། །དེ་ནས་འཁོར་མང་པོའི་ནང་ནས་མི་དགེ་བ་བཅུའི་ལས
340a7 ཀྱི་ལམ་བྱེད་པ་དག་བཅོམ་ལྡན་འདས་ཀྱིས་སེམས་ཅན་དམྱལ་བའི་སྡུག་བསྔལ་རྣམས་བཤད་པ་འདི་ཐོས་ནས་ཐམས་ཅད་ཀྱིས་ཆོ་ངེས་བཏབ་སྟེ། བཅོམ་ལྡན་འདས་ལ་འདི
iiif viewer powered by OpenSeadragon
