| e-texts navigator |
| Wylie |
335a1 ཀྱི་སེམས་ཅན་དམྱལ་བར་སྐྱེའོ། །རལ་གྲི་འཁོར་ལོ་ཁྲི་ཕྲག་བརྒྱ་སྙེད་དུ་ཆར་བ་ལུས་ཀྱི་སྟེང་དུ་འབེབས་ཤིང་དེའི་ལུས་གཏུབས་པར་འགྱུར་རོ། །དེ
335a2 ནས་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཇི་ལྟར་གསུངས་པ་དེ་ལྟར་དགེ་འདུན་གྱི་ནོར་ལ་སྤྱོད་པ་སྡིག་ལྕི་བར་གསུངས་ཏེ།
335a3 གལ་ཏེ་དེ་ལྟར་དགེ་བའི་ལས་ལ་ཕྱོགས་པ་དང་། སྦྱིན་བདག་ལ་སོགས་པ་ཇི་ལྟར་གཙུག་ལག་ཁང་གི་ནང་ན་བསྟི་སྟང་བགྱིད་པ་དང་། ཕྱག་འཚལ་བར་བགྱིད་པ་ལགས།
335a4 བཅོམ་ལྡན་འདས་ཀྱིས་བཀའ་སྩལ་པ། ལྷ་ཁང་དུ་འགྲོ་བ་ལ་སེམས་རྣམ་པ་གཉིས་ཡོད་དེ། དགེ་བའི་སེམས་དང་། མི་དགེ་བའི་སེམས་སོ། །དེ་ལ་ཇི་ལྟར་ན་དགེ་བའི
335a5 སེམས་ཞེས་བྱ་ཞེ་ན། ལྷ་ཁང་དུ་ཕྱིན་པའི་ཚེ་སངས་རྒྱས་མཐོང་ན་ཕྱག་འཚལ་ཞིང་། དགེ་འདུན་ལ་བཀུར་སྟི་བྱེད་ཅིང་། མདོ་སྡེ་འདྲིའམ། འདོན་ནམ། ཁྲིམས་ནོད་དམ
335a6 སྡིག་པ་བཤགས་པའམ། དཀོན་མཆོག་གསུམ་གྱི་སྤྱི་ནོར་ལ་སོགས་པ་གཏོང་ངམ། སྲོག་ལའང་མི་ཆགས་པར་དམ་པའི་ཆོས་འཛིན་པ་ནི་གོམ་པ་གཅིག་པོར་བས་ཀྱང
335a7 ལྷར་སྐྱེ་བར་འགྱུར་རོ། །མ་འོངས་པའི་དུས་ན་ཁྱིམ་བདག་ཏུ་ཞུགས་ཏེ། དེ་དང་འདྲ་བའི་ལོངས་སྤྱོད་དང་ལྡན་པར་འགྱུར་རོ། །དེ་ནི་དགེ་བའི་མཆོག་དང་ལྡན་པ་ཡིན་ནོ། །དེ
iiif viewer powered by OpenSeadragon
