| e-texts navigator |
| Wylie |
333a1 ཞིམ་པ་བསྲེགས་ཏེ་སངས་རྒྱས་ལ་མཆོད་པ་ལས་འོངས་སོ། །ཤོ་རེ་ནི་ཉའི་མཆུ་ཕུག་པ་ལས་འོངས་སོ། །སྐྲ་སེར་བ་ནི་ཕག་གི་སྤུ་གཏོགས་པ་ལས
333a2 འོངས་སོ། །རྣ་བ་རལ་བ་ནི་རྣ་བ་ཕུག་པ་ལས་འོངས་སོ། །ཐང་སྦྲུལ་འདྲ་བ་ནི་གོས་མི་གཙང་བ་གོན་ཏེ། སངས་རྒྱས་ལ་སྙོགས་པ་ལས་འོངས་སོ། །ངམས་གནག་པ་ནི་སངས་རྒྱས
333a3 ཀྱི་སྐུ་གཟུགས་ཁྱིམ་མམ། ཁྱམས་སུ་བཞག་པ་ལས་འོངས་སོ། །ཞར་བ་དང་། གྱོལ་པོ་ནི་མཁན་པོ་དང་། བླ་མ་མཐོང་སྟེ། མི་ལྡང་བ་ལས་འོངས་སོ། །སྒུར་བ་ནི་གོས་མི་གཙང་བ
333a4 གྱོན་ཞིང་། སངས་རྒྱས་ཀྱི་སྐུ་ལ་རྒྱབ་ཀྱིས་ཕྱོགས་པ་ལས་འོངས་སོ། །དཔྲལ་བ་འབུར་བ་ནི་སངས་རྒྱས་མཐོང་ནས། ཕྱག་གུས་པར་མི་འཚལ་ཞིང་ལག་པ་དཔྲལ་བར་གཏུགས
333a5 པ་ལས་འོངས་སོ། །མཇིང་པ་ཐུང་བ་ནི་བཙུན་པ་དང་། བླ་མ་མཐོང་ནས་མགོ་སྨད་ཅིང་བྱོལ་བ་ལས་འོངས་སོ། །མཆིན་པ་ན་བ་ནི་སེམས་ཅན་གྱི་ལུས་གཏུབས་ཤིང་བཙགས
333a6 པ་ལས་འོངས་སོ། །མཛེ་ཅན་ནི་གཞན་གྱི་ནོར་མ་འོས་པར་བླངས་པ་ལས་འོངས་སོ། །ལུད་པ་མང་བ་ནི་དགུན་མི་གཞན་ལ་ཟས་གྲང་མོ་བྱིན་པ་ལས་འོངས་སོ། །བུ་ཚ་མེད་པ་ནི་བྱ
333a7 ཕྲུག་མང་པོ་བསད་པ་ལས་འོངས་སོ། །བུ་ཚ་མང་བ་ནི་སེམས་ཅན་མང་པོ་གསོས་པ་ལས་འོངས་སོ། །ཚེ་རིང་པ་ནི་སྙིང་རྗེ་ཆེ་བ་ལས་འོངས་སོ། །ཚེ་ཐུང་བ་ནི་སྲོག་གཅོད་པ་ལས་འོངས
iiif viewer powered by OpenSeadragon
