| e-texts navigator |
| Wylie |
328b1 མ་འོངས་པ་ན། གདོན་མི་ཟ་བར་རྒྱལ་པོ་བྱེད་ཅིང་། སྐྱེ་བོ་མང་པོ་ལ་དབང་བྱེད་པར་འགྱུར་བས། གང་ཡང་དག་མི་ཉན་པ་མེད་པར་འགྱུར་རོ། །ཚེ་འདི་ལ་གྲོང་དང་། གྲོང་གི་གཙོ་བོར
328b2 གྱུར་ཀྱང་དྲང་རྐན་ཆེ་ཞིང་ཆོས་བཞིན་དུ་སྐྱོང་བར་བྱེད་པ་གང་ཡིན་པ་དེ་ནི། མ་འོངས་པ་ན་གདོན་མི་ཟ་བར་རྒྱལ་པོའི་བློན་པོ་བྱེད་པར་འགྱུར་ཞིང་། གོས་ཟས་དང་། རྟ་ཕུན་སུམ་ཚོགས
328b3 པ་དང་། ཅི་དང་། ཅི་འདོད་པ་འབྱོར་བར་འགྱུར་རོ། །ཚེ་འདི་ལ་སྐྱེ་བོ་མང་པོ་བསོད་ནམས་བྱེད་པར་བསྐུལ་ཞིང་གཟུང་བ་གང་ཡིན་པ་དེ་ནི། མ་འོངས་པ་ན་གདོན་མི་ཟ་བར་ཆོ་རིགས
328b4 བཙུན་ཞིང་ཤིན་ཏུ་ཕྱུག་པའི་ཁྱིམ་བདག་ཏུ་འགྱུར་བར་སྐྱེའོ། །སྐྱེ་བོ་མང་པོ་ཀུན་གྱིས་བཀུར་བ་དང་། ཕྱོགས་བཅུ་པོ་དག་ཏུ་དོན་གཉེར་བ་དག་ཀྱང་འགྲུབ་པར་འགྱུར་རོ། །ཚེ་འདི
328b5 ལ་མར་མེ་བཙུགས་ནས་མཆོད་པ་བྱེད་པ་ལ་མངོན་པར་དགའ་བ་གང་ཡིན་པ་དེ་ནི། ཉི་ཟླའི་ལྷར་སྐྱེ་བར་འགྱུར་བས་འོད་ཟེར་གྱིས་བདག་ཉིད་གསལ་བར་བྱེད་པར་འགྱུར་རོ། །ཚེ
328b6 འདི་ལ་སྦྱིན་པ་གཏོང་བ་ལ་དགའ་བ་དང་། བྱམས་པའི་སེམས་ཀྱིས་སྲོག་ཆགས་གསོ་བར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་ཕྱུག་པོར་འགྱུར་བས་གོས་ཟས་དག
328b7 རང་འབྱུང་བར་འགྱུར་རོ། །ཚེ་འདི་ལ་སྐྱེ་བོ་མང་པོ་རྣམས་ལ་བཟའ་བ་དང་། བཏུང་བ་སྦྱིན་པ་ལ་མངོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་ལྷའི་ཟས་རང་འབྱུང
iiif viewer powered by OpenSeadragon
