| e-texts navigator |
| Wylie |
328a1 བྱེད་དོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། རྟག་པར་ལོག་པར་ལྟ་བའི་ཁྱིམ་དག་ཏུ
328a2 སྐྱེ་བར་འགྱུར་བ་དང་། སེམས་གཡོ་སྒྱུ་དང་བཅས་པར་འགྱུར་བ་གང་ཡིན་པའོ། །ཀྱེ་སངས་རྒྱས་ཀྱི་སྲས་རྣམས། དེ་ལྟར་ན་སྡིག་པ་མི་དགེ་བའི་ལས་ཀྱི་ལམ་བཅུ་པོ་རྣམས་ནི
328a3 སྡུག་བསྔལ་མང་པོ་སྣ་ཚོགས་ཀྱིས་ཕུང་པོ་ཆེན་པོའི་རྒྱུ་དང་། རྐྱེན་དུ་གྱུར་པ་ཡིན་ནོ། །དེ་ནས་དེའི་ཚེ་འཁོར་འདུས་པ་ཆེན་པོ་དེ་ཉིད་དུ་སྡིག་པ་མི་དགེ་བའི་ལས་བཅུ་པོ་དག་བྱས་པ
328a4 གང་ཡིན་པ་དེ་དག་བཅོམ་ལྡན་འདས་ཀྱིས་སེམས་ཅན་དམྱལ་བའི་སྡུག་བསྔལ་གྱི་རྣམ་པར་སྨིན་པ་བཀས་བཤད་པ་ཐོས་པ་དང་། དེ་དག་ཐམས་ཅད་སྐད་ཆེར་ཕྱུང་སྟེ་དུས
328a5 ནས|་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་དགེ་བ་ཇི་ལྟ་བུ་ཞིག་སྤྱད་ན། སྡུག་བསྔལ་འདི་དག་ལས་ཐར་པར་འགྱུར་ལགས།
328a6 བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་ཐམས་ཅད་བསོད་ནམས་ཀྱི་ལས་ལ་གཟུད་པར་བྱ་སྟེ། ཇི་ལྟར་བསོད་ནམས་མངོན་པར་བསྒྲུབ་པར་བྱ་ཞེ་ན། སེམས
328a7 ཅན་གང་ལ་ལ་ཞིག་ཚེ་འདི་ལ་ཡོངས་སུ་བསྐུལ་བའི་བདག་པོ་ཆེན་པོ་བྱས་ཏེ། དེ་བཞིན་གཤེགས་པའི་མཆོད་རྟེན་དང་། དྲི་གཙང་ཁང་དང་། གཙུག་ལག་ཁང་བརྩིགས་ན
iiif viewer powered by OpenSeadragon
