| e-texts navigator |
| Wylie |
314b1 ནི་མའི་མངལ་ཉིད་དུ་འགུམ་པ་དང་། ཁ་ཅིག་ནི་བྱད་བཞིན་སྡུག་ཅིང་མཛེས་པ་དང་། ཁ་ཅིག་ནི་དབུལ་ཞིང་མ་རབས་སུ་གྱུར་ལ་བྱད་བཞིན་མི་སྡུག་པ་དང་། ཁ་ཅིག་ནི་ཕྱུག་ཅིང་ཡ་རབས
314b2 སུ་སྐྱེ་བ་དང་། ཁ་ཅིག་ནི་དཔའ་ཞིང་དམན་པར་གྱུར་ལ། ཁ་ཅིག་ནི་ཞན་ཅིང་རིགས་མཐོང་པོར་སྐྱེས་པ་དང་། ཁ་ཅིག་ནི་སྡུག་བསྔལ་ཞིང་ཚེ་རིང་ལ། ཁ་ཅིག་ནི་བདེ་ཞིང་ཚེ་ཐུང་བ་དང་། ཁ
314b3 ཅིག་ནི་དགེ་བ་སྤྱད་ཀྱང་། ནོངས་སྐྱོན་དང་བཅས་པར་འགྱུར་ལ། ཁ་ཅིག་ནི་སྡིག་པ་བགྱིས་ཀྱང་བསོད་ནམས་ཀྱི་ཕན་ཡོན་ཐོབ་པ་དང་། ཁ་ཅིག་ནི་ཚོ་ཞིང་དཀར་ཡང་མིག་ཡ་ཡོར་གྱུར་ཅིང
314b4 མི་གསལ་ལ། ཁ་ཅིག་ནི་སྔོ་ཞིང་གང་ཀྱང་མངལ་བྱད་དང་ལྡན་པ་དང་། ཁ་ཅིག་ནི་ཐུང་ཞིང་བོང་ཐུང་ཡང་སེམས་རྩལ་དང་ལྡན་པ་དང་། ཁ་ཅིག་ནི་རིང་ཞིང་བོང་ཆེའང་གཞན
314b5 དག་གི་གཡོག་བགྱིད་པ་དང་། ཁ་ཅིག་ནི་བུ་ཚ་མངལ། ཁ་ཅིག་ནི་གཅིག་པུ་གནས་པ་དང་། ཁ་ཅིག་ནི་སླད་རོལ་ཏུ་རྒྱུ་ཞིང་བཀྲེས་པ་དང་། གྲང་བ་དག་གིས་ཉེན་པར་འགྱུར་ལ། ཁ
314b6 ཅིག་ནི་ཁྱིམ་ན་གནས་ཀྱང་གོས་ཟས་དག་ལ་དགའ་འབྱོར་པ་དང་། ཁ་ཅིག་ནི་གཞོན་པའི་ཚེ་དབུལ་ཞིང་ཕོངས་ལ། རྒས་པའི་ཚེ་གདོད་ཕྱུག་པོར་འགྱུར་པ་དང་། ཁ་ཅིག་ནི་ཡུས་མ་མཆིས
314b7 བཞིན་དུའང་ནོངས་པ་མ་མཆིས་པར་ནན་གྱིས་གོ་རར་སྩལ་པ་དང་། ཁ་ཅིག་ནི་ཕ་མའང་སྙིང་རྗེ་དང་ལྡན་པ། བུའང་སྲི་ཞུ་ཆེ་ཞིང་མདོ་སྡེ་དང་། གཙུག་ལག་གི་དོན་གླེང་བར་བགྱིད
iiif viewer powered by OpenSeadragon
