| e-texts navigator |
| Wylie |
125b1 ཞེས་བྱ་བའི་བར་དུ་སྔ་མ་བཞིན་ནོ། །དགེ་སྦྱོང་དང་། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། མཐའ་ཡོད་པ་དང་། མཐའ་མེད་པ་བ་སྟེ། བདག་དང་། འཇིག་རྟེན་མཐའ་ཡོད་པ
125b2 དང་|་མཐའ་མེད་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་དེ་ཐམས་ཅད་ནི་གཞི་བཞི་པོ་དག་ལ་སྟེ། དེ་ལས་མི་ལྷག་མི་མང་ལ། དེ་དག་དེ་བཞིན་གཤེགས་པས་ཡང
125b3 པ་ཇི་ལྟ་བ་བཞིན་དུ་རབ་ཏུ་མཁྱེན། དེ་ལས་ལྷག་པར་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ལྟར་ན་ལྟ་བར་སོང་བ་འདི་དག་འདི་ལྟར་འཛིན་པ་དང་། འདི་ལྟར་མཆོག
125b4 ཏུ་འཛིན་པ་དང་། འདི་ལྟར་ལེན་པ་དང་། འདི་ལྟར་སྤྱོད་པ་ཞེས་བྱ་བ་ནི་སྔ་མ་བཞིན་ནོ། །དགེ་སློང་དག་།གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་ནི་སྔ་མ་བཞིན་ནོ། །
125b5 དགེ་སློང་དག་།ཆོས་གང་དག་གཞན་ཟབ་པ་ཟབ་པར་སྣང་བ་དག་གང་ཞེ་ན། ཞེས་བྱ་བ་དག་ནི་སྔ་མ་བཞིན་ནོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང
125b6 ལྷ་མི་སྤོང་ལ་ལྟ་མི་སྤོང་བ་བྲི་བ་དྲིས་པ་དང་། གཏམ་རླུང་བསྐུར་བ་དག་ཡོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ
125b7 གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་། ལྷ་མི་སྤོང་ལ། ལྷ་མི་སྤོང་བ་དྲི་བ་དྲིས་པ་དང་། ཚིག་རླུང་བསྐུར་བ་ནི། འདི་ལྟ་སྟེ། གཞི་བཞི་པོ་དག་ལའོ། །
iiif viewer powered by OpenSeadragon
